करमाळा – सावंत कुटुंबांचा गेल्या ७०वर्षाचा सामाजिक राजकीय विकासाचा वारसा पुढे चालवत नगराध्यक्ष पदासाठी उमेदवार उभे करणार असल्याचे सावंत गटाचे नेते सुनील बापू सावंत यांनी सांगितले आहे.”
करमाळा नगरपरिषदेचे नगराध्यक्ष पद हे सर्व साधारण महिला साठी आरक्षित झाले असून शहराच्या विकासासाठी व पारदर्शक कारभारासाठी यंदा प्रथमच सावंत गट नगराध्यक्ष पदासाठी रिंगणात उतरणार आहे.
करमाळा नगरपरिषदेवर गेल्या ७० वर्षांपासून माजी नगराध्यक्ष डी के सावंत, कै, सुभाष आण्णा सावंत यांच्या मार्गदर्शनाखाली माजी उपनगराध्यक्ष दादा सावंत, विद्यमान नगरसेवक संजय ( पप्पू) सावंत यांनी त्यांच्या काळात स्वच्छ व पारदर्शक कारभार केला नागरिकांच्या मुलभूत गरजा कडे जातीने लक्ष देत पाणी पुरवठा, स्वच्छता याकडे लक्ष दिले तसेच विकास कामांसाठी निधी खेचून आणला.
सावंत गटाने आजपर्यंत अनेक कार्यकर्ते यांना नगरपरिषद मध्ये नगरसेवक, नगराध्यक्ष पदावर काम करण्याची संधी दिली यामध्ये प्रामुख्याने माजी नगराध्यक्ष ज्ञानेश्वर मोरे,अजीज तांबोळी यांच्या सारख्या सामान्य कुटुंबातील माणसाला संधी दिली
सावंत कुटुंब हे पुर्वी पासुन सेवा भावी कुटुंब आहे छत्रपती शिवाजी महाराज तरूण मंडळाच्या वतीने अनेक सामाजिक उपक्रम राबविले जातात अनेक महापुरुषांच्या जयंत्या असो, रक्तदान शिबीर असो, तसेच कोरोना काळात अनेक रुग्णांना धीर दिला मदत केली
करमाळा नगरपरिषदेच्या नगराध्यक्ष पदाच्या निवडणुकीत मतदारांनी साथ दिली तर कोणताही पक्षभेद न करता सर्वांना विश्वासात घेऊन काम करेन सावंत कुटुंब नेहमीच सेवा भावी असुन सामाजिक व जनकल्याण साठी अग्रेसर असतात असे ते यावेळी म्हणाले.
