सोलापूर- अंतर महाविद्यालयीन हॉकी स्पर्धा सोलापूर शहर पोलीस मुख्यालयाच्या मैदानावर दि.22 नोव्हेंबर 2025 रोजी पार पडली. या स्पर्धेत एकूण तीन संघानी सहभाग घेतला होता त्यात सोशल महाविद्यालयाने अंतिम सामन्यात सिंहगड अभियांत्रिकी महाविद्यालय, केगाव विरुद्ध 1 – 0 ने जिंकून अंतरमहाविद्यालयीन हॉकी स्पर्धेचे अजिंक्यपद पटकावले.
या स्पर्धेत सोशल महाविद्यालयातर्फे कर्णधार अमजद अली शेख, रेहान मुल्ला, अयान कारखंडीकर, अबू हुरेरा सालार, समिउल्लाह आरेवाले व गोल रक्षक मोईन सय्यद यांनी सुरेख खेळाचे प्रदर्शन केले व संघाच्या विजयात मोलाचा वाटा उचलला.
विजयी संघास महाविद्यालयाचे शारीरिक शिक्षण व क्रीडा संचालक डॉ.मुश्ताक शेख व श्री. तलहा शेख यांचे मार्गदर्शन लाभले. विजयी संघाचे महाविद्यालयाचे प्राचार्य डॉ.आय.जे.तांबोळी व सर्व शिक्षक-शिक्षकेत्तर कर्मचाऱ्यांनी अभिनंदन केले व पुढील वाटचालीस शुभेच्छा दिल्या.
फोटो ओळ – विजयी संघासोबत प्राचार्य डॉ. आय.जे.तांबोळी, डॉ. मुश्ताक शेख, श्री.तलहा शेख व कर्णधार अमजद अली शेख
