पुणे – शिक्षण क्षेत्रातील अग्रणी असलेल्या विविध शैक्षणिक उपक्रमांनी समाज स्वतःचे अढळ स्थान निर्माण करणाऱ्या पुणे येथील सूर्यदत्ता ग्रुप ओफ इन्स्टिट्यूट या शिक्षण संस्थेस अखिल भारतीय मराठी साहित्य परिषदेचा यंदाचा महात्मा फुले राष्ट्रीय आदर्श शिक्षण संस्था पुरस्कार जाहीर झाला आहे याची घोषणा साहित्य परिषदेचे राष्ट्रीय अध्यक्ष डॉ.शरद गोरे यांनी केली आहे.
या पुरस्काराचे वितरण पुणे येथील महात्मा फुले सांस्कृतिक भवन येथे २३ नोव्हेंबर रोजी संपन्न होणाऱ्या १९ व्या अखिल भारतीय महात्मा फुले प्रबोधन मराठी साहित्य संमेलनात होणार आहे, सूर्यदत्ता शिक्षण समूहाचे संस्थापक अध्यक्ष डॉ.संजय चोरडिया यांनी समाजातील गरीब विद्यार्थ्यांना सदोदित शिक्षणासाठी मोठी मदत केली आहे.
गेली अनेक दशके त्यांचे हे कार्य अविरतपणे सुरू आहे याच कार्याची दखल घेऊन त्यांच्या शिक्षण संस्थेची पुरस्कारासाठी निवड करण्यात आली आहे,सुप्रसिद्ध साहित्यिक किशोर टिळेकर यांच्या अध्यक्षतेखाली संपन्न होणाऱ्या या साहित्य संमेलनात मोठ्या संख्येने साहित्यिक व रसिक उपस्थित राहणार आहेत दत्तात्रय भोंगळे संमेलाचे स्वागताध्यक्ष असून सुनील लोणकर निमंत्रक पद भूषवणार आहेत.
