सांगोला – सांगोला नगरपरिषद सार्वत्रिक निवडणूक करिता दि.२ डिसेंबर रोजी सकाळी ७.३० ते सायंकाळी ५.३० वाजेपर्यंत एकूण ४० मतदान केंद्रावर मतदान होणार आहे. सदर मतदान व्यवस्थितपणे पार पडण्यासाठी सोमवार दि.२४ नोव्हेंबर रोजी मतदान केंद्राध्यक्ष, मतदान केंद्र अधिकारी असे एकूण ३०० अधिकारी यांना निवडणूक निर्णय अधिकारी सैपन नदाफ यांनी प्रशिक्षण दिले. तसेच त्यांना इव्हीएम मशिन्स हाताळण्याचे प्रशिक्षण देण्यात आले.
वैधरित्या नामनिर्दिष्ट झालेल्या व निवडणुकीतून माघार न घेतलेल्या उमेदवारांना दि.२६ नोव्हेंबर रोजी सकाळी ११ वाजता पू.अहिल्यादेवी होळकर सभागृह, सांगोला येथे चिन्हांचे वाटप करण्यात येणार आहे. तरी सदर चिन्ह वाटप करतेवेळी उमेदवार व त्यांचा एक प्रतिनिधी उपस्थित राहण्याचे आवाहन निवडणूक निर्णय अधिकारी सैपन नदाफ यांनी केले आहे. तसेच सर्व उमेदवारांनी आपले दैनंदिन खर्चाचे अहवाल खर्च संनियंत्रण समितीकडे सादर करण्याचे आवाहन सहा.निवडणूक निर्णय अधिकारी डॉ.सुधीर गवळी यांनी केले आहे.
