वेळापूर – वेळापूर एसटी स्टँड.येथील भाविकांचे आराध्य दैवत खंडोबादैवताचा चंपाषष्ठी उत्सव यात्रा धार्मिक सोहळा भक्ती भावाने पार पडला.
चंपाषष्ठी उत्सवानिमित्त खंडेरायाच्या मंदिरावर माळा टाकून विद्युत रोषणाई करण्यात आली होती. खंडोबा मंदिर परिसरात धार्मिक कार्यक्रमांचे आयोजन करण्यात आले होते. २१ नोव्हेंबर शुक्रवारी रोजी खंडेरायाच्या घटाची स्थापना करण्यात आली होती. मंगळवारी मंदिरामध्ये नाग दिव्यांचा कार्यक्रम संपन्न झाला. दिनांक २६ नोव्हेंबर बुधवार रोजी चंपाषष्ठी उत्सवा निमित्त सकाळी खंडेरायाला पारंपरिक मानकरी मानाचा पोशाख उघडे परिवाराच्या अभिषेक पोशाख व महापूजा उघडे परिवाराकडून करण्यात आली. त्यानंतर देवाचे घट उठवण्यात आले. त्यानंतर भाविकांच्या घराघरातील घट उठले. दुपारी बारा वाजता आराध्य दैवत खंडेरायाला पोळ्यांचा व वांगे भरीताचा नैवेद्य दाखवून उत्सवाचा उपवास सोडण्यात आला. त्यानंतर पिसेवाडी येथील गजी ढोल संघाचा देवाच्या समोर गजी ढोल कार्यक्रम संपन्न झाला. दिवसभर उपस्थित भाविकांना प्रसादाचे वाटप करण्यात आले.
सायंकाळी खंडेरायाच्या पालखीचे वेळापूर नगरीतून सदानंदाचा येळकोट, येळकोट येळकोट जय मल्हारच्या गजरात भंडारा खोबऱ्याच्या उधळण करीत देवाचा जयघोष करीत भाविकांनी, नागरिकांनी, मानकरी यांनी मिरवणूक काढली. खंडेरायाचा चंपाषष्ठी सोहळा पार पाडण्यासाठी देवाचे पुजारी विठ्ठल वाघ, तसेच उघडे परिवार ,कुलकर्णी परिवार, मुंगूसकर परिवार , पिसे परिवार व अन्य मानकरी व वेळापूर उघडेवाडी व पिसेवाडीतील ग्रामस्थ व भक्तगण यांनी उपस्थिती दर्शवली व परिश्रम घेतले व चंपाषष्ठी उत्सव उत्सवात साजरा केला. .
—————————————————————
फोटो ओळी
वेळापूर येथे आराध्य दैवत खंडेरायाच्या मंदिरामध्ये चंपाषष्ठी उत्सव साजरा करण्यात आला
——————————————————————
