मोडनिंब – मोडनिंब (ता. माढा) येथे २६/११ च्या दहशतवादी हल्ल्यात शहीद झालेल्या जवानांच्या स्मरणार्थ तसेच हिंदुहृदयसम्राट स्वर्गीय बाळासाहेब ठाकरे यांच्या स्मृतिदिनानिमित्त मंगलमूर्ती बहुउद्देशीय सामाजिक संस्था व शिवसेना (उद्धव बाळासाहेब ठाकरे) यांच्या वतीने रक्तदान शिबिराचे आयोजन करण्यात आले.
या शिबिराला नागरिकांनी उत्स्फूर्त प्रतिसाद देत एकूण ८० जणांनी रक्तदान करून समाजकार्यात मोलाचे योगदान दिले.सध्याच्या परिस्थितीत रक्ताची आवश्यकता ओळखून शिबिराचे आयोजन केल्याची माहिती गटप्रमुख दीपक सुर्वे यांनी दिली.
थंडीच्या दिवसांत रक्ताचा तुटवडा जाणवत असताना आयोजित करण्यात आलेले हे शिबिर अत्यंत उपयुक्त ठरले. स्थानिक नागरिकांच्या हस्ते शिबिराचे उद्घाटन करण्यात आले.
सदर शिबिराच्या उद्घाटन प्रसंगी मनसे जिल्हाध्यक्ष प्रशांत गिड्डे, माजी सरपंच बाबूराव सुर्वे,किरण तोडकरी, शेतकरी संघटनेचे एकनाथ सुर्वे, रोटरी क्लबचे अध्यक्ष निलेश गिड्डे, डॉ. प्रशांत कोल्हे, चंद्रकांत गिड्डे, चांगदेव वरवडे, किरण खडके, नितीन गडधरे, लक्ष्मिकांत खंदारे, भाजपाचे गणेश सुर्वे,विशाल पाटील यासह विविध संघटनांचे पदाधिकारी, शिवसैनिक आदी उपस्थित होते.
