मंगळवेढा – तालुक्यातील काळ्या शिवारात सध्या ज्वारीच पिके हुरड्यात असून हवामान खात्याने पावसाचा अंदाज वर्तविल्याने आहे. पाऊस पडल्यानंतर ज्वारीचा फुलोरा धुवून जाण्याची शक्यता शेतकरी वर्गातून वर्तविले जात आहे. दरम्यान मागील दोन दिवस आकाशात काळे ढग येत असल्यामुळे पावसाळी वातावरण निर्माण झाल्याने शेतकर्यांचा जीव टांगणीला लागला आहे.
यंदा रब्बी पेरणीपुर्व हंगामात सलग पाऊस पडल्यामुळे ज्वारी पेरणीला उशीर झाल्याने केवळ काळ्या शिवारात 6.23 टक्के म्हणजेच 2 हजार 130 हेक्टर क्षेत्रावर ज्वारीची पेरणी झाली आहे. सद्यस्थितीत सध्या ज्वारी हुरडा व फुलोर्यात आहे. पुणे वेधशाळेने सोलापूर जिल्हयात तुरळक ठिकाणी हलका पाऊस पडण्याची शक्यता वर्तविली आहे. मागील दोन दिवसापासून मंगळवेढा परिसरात काळ्या शिवारात आकाशात काळे ढग येत असल्याचे चित्र आहे. पाऊस पडला तर ज्वारी पिका बरोबर हरभरा,करडई,आंबा,द्राक्ष,गहू व अन्य इतर पिकांचेही नुकसान होणार असल्याचे शेतकर्यामधून बोलले जात आहे.
परिणामी शेतकरी वर्ग धास्तावून गेला आहे. सकाळी 10 पयर्ंत काळ्या शिवारात सर्वत्र धुक्याची चादर पसरलेली दिसून येत असतानाच दुपारी मात्र चक्क कडक ऊन पडत असल्याचे जाणवत आहे. हवामानातील या बदलामुळे मानवी शरीरावर ही परिणाम होत असून लहान बालके व वृध्द आजारी पडू लागली आहेत. यंदा ज्वारीची पेरणी कमी झाल्यामुळे गोरगरीबांची ज्वारीची भाकरी महागण्याची शक्यता वर्तविली जात आहे.
मंगळवेढ्यात आकाशात काळे ढग आल्याने पावसाळी वातावरण निर्माण झाल्याचे छायाचित्रात दिसत आहे. (छाया- प्रथमेशराजे,मंगळवेढा)
