तभा वृत्तसेवा,
पंढरपूर – तालुक्यात जिल्हा परिषदेच्या आठ तर पंचायत समितीच्या सोळा जागांसाठी मतदान प्रक्रिया शनिवारी (दि.७) शांततेत पार पडली. तालुक्यात दोन लाख ८५ हजार ८२७ एकुण मतदारांपैकी — इतक्या मतदारांनी आपला मतदानाचा हक्क आज बजाविला त्यामुळे मतदानाची टक्केवारी —- ऐवढी झाली. विशेष म्हणजे करकंब मध्ये मतदान केंद्रावर आमदार अभिजीत पाटील यांचे बंधु अँड.अमर पाटील आणि भाजपा उमेदवार यांच्या मध्ये तुतुमैमैचा किरकोळ प्रकार वगळता कुठेही अनुचित प्रकार घडला नाही. तालुक्यात सर्वात जास्त मतदान —– या गटात तर सर्वात कमी मतदान — या गटात झाले.
पंढरपूर तालुक्यात जिल्हा परिषदेच्या आठ गटांतून ४६ तर पंचायत समितीच्या १६ गणांमधून ७० उमेदवार निवडणूकीच्या रिंगणात होते. या सर्वं उमेदवारांचे भवितव्य आज मतदाना नंतर मतदान यंत्रात सिलबंद झाले आहे. येत्या ९ फेब्रुवारी रोजी मतमोजणी नंतरच या सर्वांच्या भवितव्याचा फैसला होणार आहे.
दरम्यान जिल्हा परिषदेच्या आठ गटांसाठी तर पंचायत समितीच्या सोळा गणांसाठी मतदान प्रक्रिया गुरुवारी (दि.७) राबविण्यात आली. सकाळी साडेसात वाजता मतदानास सुरु झाली. सकाळ पासूनच मतदानास शांततेत सुरुवात झाली. ग्रामीण भागातील वाड्यावस्त्यांवर मतदारांचा मतदानासाठीचा उत्साह दिसत होता. मात्र बऱ्याच गावांमधुन शेतातील दिवसभराची कामे संपल्या नंतर अनेक मतदान केंद्रावर सायंकाळी पाच नंतर मतदारांनी मतदानासाठी गर्दी केल्याचे दिसत होते. त्यामुळे सायंकाळी उशिरा पर्यंत अनेक गावांतील मतदान केंद्रावर मतदान प्रक्रिया सुरु होती.
पंढरपूर तालुक्यात यंदा जिल्हा परिषद व पंचायत समितीची निवडणूक वेगळ्या राजकीय वळणावर लढली गेल्याचे दिसून आले. कारण पारंपारिक विरोधी गटातील नेते एका व्यासपीठावर तर चार दशकापासून एकत्र राहिलेल्या आघाडीतील नेते मात्र विरोधात प्रचार करीत असल्याचे चित्र प्रचारा दरम्यान पहायला मिळाले.
विशेष म्हणजे यंदाच्या निवडणूकीत उमेदवारी मागे घेण्याची मुदत संपल्यावर तालुक्यात तिरंगी लढत होणार असे स्पष्ट चित्र दिसत होते. मात्र आमदार अभिजीत पाटील व विठ्ठल कारखान्याचे माजी अध्यक्ष तथा तिर्थक्षेत्र विकास आघाडीचे प्रमुख भगीरथ भालके यांनी प्रचार सुरू झाल्यानंतर युतीची घोषणा केली. त्यामुळे तालुक्यात भाजप विरुद्ध दोन्ही राष्ट्रवादी काँग्रेस, शिवसेना (शिंदे गट), शिवसेना (उबाठा), काँग्रेस व तीर्थक्षेत्र विकास आघाडी अशा लढती झाल्या.
——————-
नेत्यांनी बजाविला मतदानाचा हक्क
आमदार अभिजीत पाटील यांनी पंढरपूर तालुक्यातील देगाव या आपल्या गावी मतदानाचा हक्क बजाविला. तर कल्याणराव काळे यांनी आपल्या आईसमवेत संपुर्ण कुटुंबियासह वाडीकुरोली या आपल्या गावी मतदानाचा हक्क बजाविला.
——————-
मतदानाची आकडेवारी
मतदान प्रक्रिया सुरु झाल्या नंतर शनिवारी सकाळी ७.३० ते ९.३० या वेळेत ५.६१ टक्के इतक मतदान झालेले होते. या मध्ये १० हजार ५९० पुरुष तर ५ हजार ४४४ स्त्री मतदारांनी मतदानाचा हक्क बजाविला होता. त्या नंतर ७.३० ते ११.३० या वेळेत ५० हजार ५४१ पुरुष आणि महिला मतदारांनी मतदानाचा हक्क बजाविला त्यामुळे मतदानाचा टक्का १७.६८ वर पोहचला होता. दुपारी दीड वाजे पर्यंत ९३ हजार ६३ मतदारांनी मतदान केल्याने ३२.५६ टक्के इतके मतदान झाले होते. पुढे दुपारी साडेतीन वाजे पर्यंत १ लाख ३७ हजार ८९८ मतदारांनी आपला हक्क बजाविल्याने सहाजिकच ४८.२५ टक्के इतके मतदान झाले होते. त्यामुळे मतदान संपेपर्यंत साधारणपणे ५० ते ५५ टक्के इतके मतदान होईल असा अंदाज व्यक्त केला जात आहे.
———————
चौकट : ( तालुक्यातील जिल्हा परिषदेच्या विशेष लढती )
पंढरपूर तालुक्यातील वाखरी गटातून भाजपकडून मोनिका काळे तर राष्ट्रवादी काँग्रेस पार्टीकडून मयुरी बागल यांनी एकमेकांसमोर आव्हान उभे केले आहे. मोनिका काळे यांच्या विजयासाठी भाजपचे माजी आमदार प्रशांत परिचारक, कल्याणराव काळे यांनी या ठिकाणी ताकत पणाला लावली होती. तर मयुरी बागल यांच्या विजयासाठी आमदार अभिजित पाटील यांनी सर्वस्व पणाला लावल्याचे दिसुन आले. गोपाळपूर गटात भाजपकडून दुर्गा अंकुशराव यांनी तगडे आव्हान तयार केले असून शिवसेना शिंदे गटाच्या प्रियांका अशोक परांडे यांनी सुध्दा प्रचारात चांगली मुसंडी घेतली होती.त्यामुळे या लढतीकडे देखील सर्वांचे लक्ष लागलेले आहे. कासेगाव गटात भाजपचे हरी गावंधरे, राष्ट्रवादी काँग्रेस शरदचंद्र पवार पक्षाचे संजय वाघमारे व तीर्थक्षेत्र विकास आघाडीचे व्यंकटराव भालके अशी लढत झाली आहे. त्यामुळे या लढती मध्ये कोण बाजी मारणार याबद्दल देखील उत्सुकता आहे. करकंब व भोसे गटातसुद्धा एकास एक उमेदवार असून भाजप व राष्ट्रवादी काँग्रेसच्या नेत्यांनी याठिकाणी विशेष लक्ष केंद्रित केले होते त्यामुळे विजयश्री कुणाच्या गळ्यात पडणार याची उत्सुकता आहे.
——————-
चौकट : ( आदर्श मतदान केंद्रावर उत्साह )
तालुक्यात वाखरी येथे मतदान केंद्र क्रमांक १५८ आदर्श महिला मतदान केंद्र तर टाकळी येथील मतदान केंद्र क्रमांक २४० येथे आदर्श मतदान केंद्राची स्थापन करण्यात आली होती. या मतदान केंद्रावर मतदान करण्यासाठी मतदारांचा विशेष उत्साह दिसून आले. या बरोबरच कासेगाव येथील मतदान केंद्र क्रमांक २८५ (निकम वस्ती) हे मतदान केंद्र संवेदनशील मतदान केंद्र म्हणून जाहीर करण्यात आलेले होते मात्र त्या ठिकाणी देखील आज मतदान प्रक्रिया शांततेमध्ये पार पडली.
——————-
चौकट : ( तालुक्यातील गट आणि गणांची नावे )
तालुक्यातील करकंब, भोसे,रोपळे, गोपाळपूर, वाखरी, भाळवणी, लक्ष्मीटाकळी, आणि कासेगांव हे जिल्हा परिषदेचे आठ गट तर उंबरे, करकंब, भोसे, गुरसाळे, रोपळे, सुस्ते,पुळुज,गोपाळपूर,वाखरी,पटवर्धनकुरोली, भाळवणी, पळशी, लक्ष्मीटाकळी, खर्डी, कासेगांव आणि सरकोली असे पंचायत समितीचे सोळा गण आहेत.
———————–
फोटोओळी : पंढरपूर : जिल्हा परिषद आणि पंचायत समितीच्या निवडणूकीसाठी तालुक्यातील गादेगाव, कोर्टी, भंडीशेगाव, वाडीकुरोली आणि भाळवणी येथे शनिवारी दुपार नंतर मतदान करण्यासाठी मतदान केंद्रावर मतदारांची गर्दी झालेली दिसत होती.
