सोलापूर – महाराष्ट्र आरोग्य विज्ञान विद्यापीठ नाशिक, सावित्रीबाई फुले पुणे, डॉ. बाबासाहेब आंबेडकर मराठवाडा आणि शिवाजी विद्यापीठ कोल्हापूरने आंतर विद्यापीठ कर्मचारी कुलगुरू करंडक टी-20 क्रिकेट स्पर्धेच्या उपांत्य फेरीत प्रवेश केला.
राजमाता पुण्यश्लोक अहिल्यादेवी होळकर यांच्या 300व्या जयंतीनिमित्त पुण्यश्लोक अहिल्यादेवी होळकर सोलापूर विद्यापीठ आयोजित महाराष्ट्र राज्यातील विविध विद्यापीठ शिक्षक व कर्मचारीवृंद यांच्यासाठी क्रिकेट स्पर्धा सोलापुरात होत असून पाचव्या दिवशी साखळी फेरीचे शेवटचे ६ सामने पार पडले. सकाळच्या सत्रात नाशिकच्या महाराष्ट्र आरोग्य विज्ञान विद्यापीठ नाशिक, बाटु लोणेरे, कवयित्री बहिणाबाई चौधरी, कोल्हापूरच्या शिवाजी विद्यापीठाने विजय मिळविले. दुपारच्या सत्रात पुणे येथील सावित्रीबाई फुले, राष्ट्रसंत तुकडोजी महाराज नागपूर, डॉ. बाबासाहेब आंबेडकर मराठवाडा विद्यापीठ व सोलापूरच्या पुण्यश्लोक अहिल्यादेवी होळकर विद्यापीठांनी प्रतिस्पर्धी संघावर मात केली.
पाचव्या दिवसाचे वैशिष्ट्य म्हणजे रोहित गमरे (बाटु लोणेरे) याने लगावलेले नाबाद शतक. 53 चेंडूत 9 चौकार, 5 षटकार लगावत संघाला विजय मिळवून दिला. तसेच डॉ. बाबासाहेब आंबेडकर मराठवाडा विद्यापीठाने या स्पर्धेतील आत्तापर्यंतची सर्वोच्च धावसंख्या 245 करत तब्बल 150 धावांनी सामना जिंकत उपांत्य फेरीत प्रवेश केला. जितेंद्र पाटील, निखिल शिंदे, जयराम हंबर्डे, जय देशमाने, रवी पारधी या खेळाडूंनी शानदार कामगिरी करत अर्धशतके झळकावली आणि पुणे विद्यापीठाच्या मनीष गायकवाड याने सलग तिसऱ्यांदा सामनावीर पुरस्कार पटकाविला. रविवारी दोन्ही उपांत्य सामने होणार असून सोमवारी तिसऱ्या स्थानाचा व अंतिम सामना होणार आहे.
पाचव्या दिवशी इंदिरा गांधी पार्क स्टेडियमवर जितेंद्र पाटील, सुनील थोरात यांना तर रेल्वे मैदानावर क्रीडा शिक्षक नागटिळक यांच्या हस्ते विनायक शिंदे (शिवाजी विद्यापीठ कोल्हापूर) व डॉ.मलिक रोकडे यांच्या हस्ते महेंद्र बनकर यांना सामनावीराचे पुरस्कार देण्यात आले. तसेच दयानंद कॉलेज मैदानावर शतकवीर रोहित गमरे, मनीष गायकवाड यांना आणि भंडारी मैदानावर संदीप चौधरी, खताळ बामू यांना देखील सामनावीर म्हणून सन्मानित करण्यात आले.
संक्षिप्त धावफलक :
1) इंदिरा गांधी पार्क स्टेडियम
यशवंतराव चव्हाण मुक्त विद्यापीठ नाशिक : 144/6 (20) निखिल शिंदे नाबाद 71, रामदास गुंबडे व अभिषेक देशमुख 12, संदीप भागवत व योगेश जाधव 10, जितेंद्र पाटील, रश्मिकांत जाधव, किशोर पवार, चंदन मोरे व अरुण सपकाळे प्रत्येकी 1 बळी. पराभूत विरुद्ध बहिणाबाई चौधरी विद्यापीठ जळगाव : 148/4 (14.2) जितेंद्र पाटील नाबाद 59, स्नेहल कुवर नाबाद 29, अरविंद गिरनारे 20, किशोर पवार 17, निखिल शिंदे 41/2, मिलिंद ठाकरे 1 बळी.
गोंडवाना विद्यापीठ गडचिरोली : सर्व बाद 131 (18.2) अनिल चव्हाण 30, अविनाश के. 20, प्रवीण पहानाते सचिन मून 15, अवांतर धावा 17 मुक्तार शेख सुनील थोरात ज्ञानेश्वर भोई प्रत्येकी 2 बळी, मुकुंद माळी हनुमंत लोखंडे प्रत्येकी 1 बळी. विजयी विरुद्ध
पुण्यश्लोक अहिल्यादेवी होळकर सोलापूर विद्यापीठ : 133/3 (16.2) उमराव मिटकरी नाबाद 43, सुनील थोरात 31, हनुमंत लोखंडे 24, अवांतर धावा 17, सतीश एस.,अनिल चव्हाण, प्रवीण पहाणते प्रत्येकी 1 बळी.
2) रेल्वे मैदान
महाराष्ट्र पशु व मत्स्य विज्ञान विद्यापीठ नागपुर : 120/4 (20) अतुल ढोक 33, संदीप रिंधे 22, राजेश लिमसे व प्रकाश घुले 20,शशिकांत दाभाडे 27/2, योगेश दळवी, राजेश्वर मुपडे प्रत्येकी 1 बळी. पराभूत विरुद्ध शिवाजी विद्यापीठ कोल्हापूर : 121/3 (15.3)
विनायक शिंदे 40, विक्रम कोंढावळे नाबाद 28, विशाल हिळगे नाबाद 23, अजित माळी, नितीन डोंगरे, विठ्ठल धायगुडे प्रत्येकी 1 बळी
राष्ट्रसंत तुकडोजी महाराज विद्यापीठ नागपूर : 135/8 (20) निनाद राऊत 24 दुर्गेश बैस 23 रितेश पुर्काम ईश्वर कुटे 19, सुरज सूर्यवंशी 17 रमेश शेवरे 11, सतपाल गायकवाड 23/4, गौरव दानवे 24/2, सचिन भिंगारदे, भगवान राठोड प्रत्येकी 1 बळी. विजयी विरुद्ध
कृषी विद्यापीठ राहुरी : सर्वबाद 82 (11.3)
सतपाल गायकवाड 25 सचिन सोनवणे 19 मोहसीन शेख 12, महेंद्र बनकर 15/4, रमेश शेवरे 14/3, निनाद राऊत 1 बळी.
3) दयानंद कॉलेज मैदान
स्वामी रामतीर्थ विद्यापीठ नांदेड : 142/6 (20) जयराम हंबर्डे 63, नारशि कागदा 27, रशीद शेख 15, अवांतर धावा 12
आदेश सोनार व अल्पेश कोरपे प्रत्येकी 2 बळी पराभूत विरुद्ध डॉ. बाबासाहेब आंबेडकर तंत्रशास्त्र विद्यापीठ लोणेरे : 146/3 (17.4) रोहित गमरे नाबाद 102, दिशांत शिंदे 22, मेहुल कोरपे 12, शैलेश कांबळे 20/2, रशीद शेख 1 बळी.
वसंतराव नाईक मराठवाडा कृषी विद्यापीठ, परभणी : सर्व बाद 83 (16.3) पराभूत विरुद्ध सावित्रीबाई फुले विद्यापीठ पुणे : 86/2 (11.4) मनीष गायकवाड नाबाद 48, दीपक गजरमल 17, नितीन प्रसाद 10,
मारोती शेल्लाळे माणिक ढगे प्रत्येकी 1 बळी.
4) भंडारी स्पोर्ट्स क्लब मैदान
कविकुलगुरु-कालिदास-संस्कृत-विश्वविद्यालय रामटेक : 56/9 (13) जावेद तुरक 18, अवांतर धावा 12, संदीप चौधरी 17/3, पुष्कर तऱ्हाळ 6/3, योगेश राऊत 13/2 बळी.
पराभूत विरुद्ध महाराष्ट्र आरोग्य विज्ञान विद्यापीठ नाशिक : 57/1 (5.4) नंदकिशोर ठाकरे 26, नंदकिशोर वाघ 12, निलेश राठोड 1 बळी.
डॉ. बाबासाहेब आंबेडकर मराठवाडा विद्यापीठ : 245/4 (20) जय देशमाने 72, रवी पारधी 67, जितेंद्र पाटील 21, खताळ 30, मोहित शेख नाबाद 34, किरण नांदणे 40/2, अनिल मेश्राम 1 बळी. विजयी विरुद्ध
संत गाडगे बाबा विद्यापीठ अमरावती : 95/9 (20)किरण नांदणे 25, अविनाश असणारे 16, अवांतर 18 धावा, सचिन भरडे 12
खताळ बामू 14/4, रणजीत तांगडे 17/3 बळी
