विश्वविख्यात डॉ. एस राजशेखर यांनी स्वीकारले अक्कलकोटचे निमंत्रण 

अक्कलकोट – जगविख्यात ऑर्थोपेडिक सर्जन आणि शल्य संशोधक डॉक्टर एस राजशेखरन हे लवकरच श्री स्वामी समर्थांच्या दर्शनासाठी अक्कलकोट येथे येण्याची शक्यता आहे. 

जागतिक शल्य विशारद आणि आर्थोपेडिक सर्जन मधील पहिल्या दहा क्रमवारीतील डॉ. एस राजशेखरन हे सर्जन असून ते कोईमतूर येथील गंगा हॉस्पिटलचे प्रमुख संचालक आहेत.

 नुकतेच त्यांना पुणे येथे  लता –  वैद्यक पुरस्काराने सन्मानित करण्यात आले. या कार्यक्रमात अन्नछत्र मंडळाचे संस्थापक अध्यक्ष श्री जन्मेजयराजे राजे विजयसिंह राजे भोसले यांनी त्यांना अक्कलकोट येथील स्वामी समर्थांचे मंदिर त्यांचे आध्यात्मिक अनुभूती , सांप्रदाय आणि अन्नछत्र मंडळाचे कार्य याबद्दल थोडक्यात माहिती दिली आणि अक्कलकोटला येण्याचे निमंत्रण दिले. 

एस राजशेखर यांनी या अध्यात्मिक आणि सामाजिक सेवेबद्दल अतिव आनंद व्यक्त केला आणि अक्कलकोटला येऊन हे सर्व काही प्रत्यक्ष पाहण्याचे निमंत्रण स्वीकारले.

यावेळी लता मंगेशकर चारिटेबल ट्रस्टचे अध्यक्ष आणि ज्यष्ठ संगीतकार हृदयनाथ मंगेशकर , डॉ. धनंजय केळकर , एमआयटीचे प्रमुख प्रा .विश्वनाथ कराड, पंडित सुरेश तळवलकर , पंडित शंकर अभ्यंकर आदी मान्यवर उपस्थित होते. अक्कलकोट अन्नछत्र मंडळाच्या वतीने या सर्वांचा  स्वामींचे महा वस्त्र , छत्रपती शिवरायांची प्रतिमा देऊन सन्मान करण्यात आला.

……………..

Quote: 

( बातमीतील चौकट ) 

लता वैद्यक पुरस्काराच्या व्यासपीठावरून राजशेखरन यांनी ,’  नव्या हॉस्पिटल्सना केवळ पंचतारांकित सुविधा म्हणून न पाहता सर्वसामान्य गरीब लोकांकरिता अत्यंत कमी शुल्का मधील सुविधा केंद्र म्हणून तयार करावे ‘  , असे आवाहन केले होते.  त्या कार्यक्रमाला मी एक प्रमुख निमंत्रित होतो.  मला त्यांचे विचार आवडले आणि अशा पद्धतीच्या डॉक्टरांची , संशोधकांची सर्वसामान्य स्वामी भक्तांच्या आरोग्य अनुभूतीसाठी जरुरी आहे.  म्हणून मी त्यांना अक्कलकोटचे निमंत्रण दिले .

भविष्यामध्ये राज्यभरातील स्वामी भक्तांसाठी डॉ. राजशेखर यांच्या माध्यमातून काही मोठे संकल्प आम्ही सोडले आहे 

  –  जन्मेजयराजे राजे विजयसिंह राजे भोसले 

संस्थापक अध्यक्ष, अन्नछत्र मंडळ . अक्कलकोट

……… 

जगातील अग्रक्रमित दहा पैकी एक असलेले स्पाईन सर्जन , कोइंबतूर येथील गंगा रुग्णालयाचे संचालक डॉ. प्रो. एस राजशेखरन यांच्याशी चर्चा करताना श्री. स्वामी समर्थ अन्नछत्र मंडळाच्या वतीने अध्यक्ष जन्माचे राजे विजयसिंह राजे भोसले . यावेळी डॉ.राजशेखरन यांनी अक्कलकोट भेटीचे निमंत्रण स्वीकारले .