बार्शी – मातोश्री रमाई वधू वर परिचय मेळावा प्रबुद्ध भारत चॅरिटेबल ट्रस्टच्यावतीने श्रावस्ती बुद्ध विहार बार्शी येथे वधू-वरांचा परिचय मेळावा आयोजित करण्यात आलेला होता. यामध्ये ट्रस्टकडे २५० बायोडाटा नावनोंदणी करण्यात आली होती. परंतु प्रत्यक्षात ६५ मुला-मुलींनी सहभाग घेऊन नव वधू-वरांचा शोध परिचयाच्या माध्यमातून घेण्याचा प्रयत्न केला. वधू वर सूचक मेळाव्याचे हे दुसरे वर्ष आहे. कार्यक्रमाची सुरुवात प्रथम तथागत गौतम बुद्ध, महामानव डॉ.बाबासाहेब आंबेडकर, माता रमाई व कांशीराम यांच्या प्रतिमांचे दिपाने, धुपाने व पुष्पाने पूजन भन्ते सुमेधजी नागसेन,भन्ते विमल किर्ते बिहार व प्रबुद्ध भारत चॅरिटेबल ट्रस्टचे सदस्य अध्यक्ष विष्णू कांबळे यांच्या हस्ते करण्यात आले.
मातोश्री रमाई महिला मंडळाच्या उपाध्यक्षा विश्रांता काळेगावकर, खजिनदार वैशाली कांबळे, अर्चना कसबे, सदस्या रंजना बोकेफोडे यांनी त्रिशरण व पंचशील घेण्यासाठी भंतेजींना याचना केल्यानंतर त्रिशरण पंचशील म्हणण्यात आले. कार्यक्रमाचे प्रास्ताविक प्रा. डॉ. टी.एस.मोरे यांनी केले. भन्ते सुमेधजी नागसेन व भन्ते विमल किर्ते यांच्या धम्मदेसने नंतर प्रबुद्ध भारत चॅरिटेबल ट्रस्टचे सदस्य प्रा. एस. एस.शिंदे यांनी त्यांच्या मातोश्री कलावती शिंदे यांच्या स्मरणार्थ श्रावस्ती बुद्ध विहारास अहुजा कंपनीचा दर्जेदार असा संपूर्ण स्पीकर संच भेट देण्यात आला. या निमित्ताने स्पीकर संच याचा लोकार्पण सोहळा भंते नागसेन, भन्ते विमल किर्ते व शिंदे कुटूंबियांच्या हस्ते केल्यानंतर ट्रस्टच्यावतीने शिंदे कुटुंबीयांचा सपत्नीक सत्कार करण्यात आला.
दुसऱ्या सत्रात उपस्थित नियोजित वधू-वरांनी आपला स्वतःचा परिचय करुन दिला. सर्वांनी आपआपसात चर्चा केल्यानंतर उपस्थित सर्वांचे आभार अध्यक्ष विष्णू कांबळे यांनी मानले. या कार्यक्रमावेळी माजी मुख्याध्यापक प्रकाश पालखे यांनी रुपये ११०००/-, माजी केंद्रप्रमुख श्रीहरी गायकवाड यांनी रु. १००० /- व भोईंजे गावच्या सरपंच यांनी रु. ५००/- ट्रस्टला देवून पुण्यकर्म केले.
वधु वर परिचय मेळाव्याच्या नियोजनासाठी ट्रस्टचे सहसचिव प्रा.अशोक वाघमारे, खजिनदार प्रा. शशिकांत गायकवाड, मार्गदर्शक प्रा टी. एस. मोरे, सदस्य मधुकर पालखे, सुनील कांबळे, नागनाथ सोनवणे, सुदर्शन ओहोळ, विक्रम सुरवसे, सुरज गायकवाड, अविनाश काळेगावकर, पांडुरंग शिंदे, चंद्रमणी डोकेफोडे, दत्ता शिंदे, राम कसबे, जगदीश भालेराव, बाबासाहेब वाघमारे, भोसले, प्रा. जयद्रथ गायकवाड, संजय लंकेश्वर, बाळासाहेब कदम व इतर सदस्य यांनी या परिचय मेळाव्यासाठी उत्तम असे सहकार्य केले.
या परिचय मेळाव्यास सोलापूर, लातूर, धाराशिव, ठाणे, पुणे, इंदापूर, लऊळ, तुळजापूर, बार्शी शहर तालुका जिल्ह्यातील नियोजित वधू-वर परिचय मेळाव्यास त्यांच्या आई-वडिलांसह मोठ्या संख्येने नातेवाईक उपस्थित होते.
