मुदखेड – तालुक्यातील तरुणांनी आपल्या कष्टाच्या जोरावर महाराष्ट्र पोलीस भरती २०२६ मध्ये दैदिप्यमान यश संपादन केले आहे. तालुक्यातील तब्बल १० तरुणांची पोलीस दलात निवड झाल्याने मुदखेडच्या शिरपेचात मानाचा तुरा रोवला गेला असून, ग्रामीण भागातील या सुपुत्रांवर सर्वस्तरातून अभिनंदनाचा वर्षाव होत आहे.
दरेगाव येथील युवक अनेक वर्षांपासून होमगार्ड म्हणून सेवा देणाऱ्या तरुणांनी खाकी वर्दीचे स्वप्न जिद्दीने पूर्ण केले आहे. विनोद केशव कोलते यांनी २०१७ ते २०२६ पर्यंत होमगार्ड म्हणून सेवा दिली. २०२४ मध्ये ते दरेगावचे पोलीस पाटील म्हणून विराजमान झाले आणि आता त्यांची निवड नांदेड पोलीस दलात झाली आहे.तसेच दरेगाव वाडी येथील साहेबराव महाजन २०१९ पासून होमगार्ड म्हणून कार्यरत असणाऱ्या साहेबराव यांचीही नांदेड पोलीस दलात निवड झाली आहे.
गोविंद अशोक मुंगल २०१९ पासून होमगार्ड म्हणून सेवा देणाऱ्या गोविंद यांची चंद्रपूर जिल्हा पोलीस पदी निवड झाली. एकाच गावातून ५ शिलेदार
रेल्वे स्टेशन पाथरड या एकाच गावाने या भरतीत बाजी मारली आहे. या मध्ये पवन गोदने(पुणे पोलीस) कैलास श्रीराम एडके(नांदेड पोलीस)अनिल संभाजी लोकरे (अकोला पोलीस) लक्ष्मण चंपती पुयड (बुलढाणा पोलीस) व्यंकट कदम(धुळे पोलीस)मुलींचाही टक्का कायम मौजे दरेगाव येथील शिवानी माधवराव पा. गाढे (नांदेड पोलीस) हिनेदेखील पोलीस भरतीत यश संपादन करून गावाचे नाव उज्ज्वल केले आहे. तसेच चिलपिंपरी येथील परमेश्वर दिगंबर सूर्यवंशी यांची (धाराशिव पोलीस) पदी निवड झाली आहे. जिल्हा परिषद शाळेतून सुरुवात करत होमगार्डची जबाबदारी सांभाळून पोलीस होण्यापर्यंतचा या तरुणांचा प्रवास तालुक्यातील इतर विद्यार्थ्यांसाठी प्रेरणादायी ठरणार आहे.या सर्व यशस्वी उमेदवारांचे मुदखेड तालुक्यातील लोकप्रतिनिधी, सामाजिक कार्यकर्ते आणि ग्रामस्थांकडून कौतुक होत असून, त्यांच्या पुढील वाटचालीस शुभेच्छा दिल्या जात आहेत.
तालुक्यातील चिलपिंपरी येथील एका सामान्य कुटुंबातील जिद्दी तरुण परमेश्वर दिगंबर सूर्यवंशी यांची नुकतीच धाराशिव पोलीस पदी निवड झाली आहे.वडिलांचे छत्र छाया लहानपणीच हरवलेले असतानाही परमेश्वरने चिकाटीने अभ्यास केला.आई लक्ष्मीबाई सूर्यवंशी यांनी शेतात मोलमजुरी करून मुलाच्या शिक्षणासाठी घेतलेल्या कष्टाचे आज चीज झाले आहे.माझ्या यशाचे पूर्ण श्रेय आई, आणि मामा यांना आहे,अशा शब्दांत परमेश्वरने आपल्या भावना व्यक्त केल्या. एका सामान्य परिस्थितीतून मेहनतीच्या जोरावर मिळवलेले हे यश गावातील इतर तरुणांसाठी दिशादर्शक ठरणार आहे.मी काहीही कष्ट करेल पण माझ्या मुलाला अधिकारी करणारच, ही आईची जिद्द अखेर सार्थ ठरली.
