आटपाडीचे सादिक खाटीक !, ” कर्नाटकचे निरीक्षक “

आटपाडी –  कुरेश कॉन्फरन्सचे राष्ट्रीय उपाध्यक्ष, आटपाडीचे सुपुत्र सादिक रशिदा पापामियाँ खाटीक यांची कर्नाटक च्या निरीक्षक पदी नियुक्ती केल्याचे पत्र कुरेश कॉन्फरन्सचे संस्थापक, राष्ट्रीय अध्यक्ष, तथा सर्वोच्य न्यायालयात वकीली करणारे ॲडव्होकेट सनोबर अली कुरेशी यांनी पाठविले आहे .
          देशातील लाखो मुस्लीम खाटीक बांधवांच्या सर्वांगीण आणि चौफेर प्रगतीसाठी कुरेश कॉन्फरन्स ही संघटना कार्यरत आहे .
          १९८४ पासून सामाजीक, राजकीय, सांस्कृतिक, साहित्यीक, क्रीडा, पत्रकारीता, शेती, पाण्याच्या क्षेत्रात लक्षवेधी कार्य करीत आलेल्या सादिक खाटीक यांना सहृदयी माणूस म्हणून राज्यभरात ओळखले जाते . पत्रकारीतेतील विविध पुरस्कार, मानपत्रांनी गौरविल्या गेलेल्या सादिक खाटीक यांनी, सांगली आकाशवाणीवरून सर्वात जास्त विकासपत्रे सादर केली होती . प्रचंड लिखाण, बातम्या लेख, वार्तापत्रे यांच्या माध्यमातून पत्रकारीता गाजविणाऱ्या सादिक खाटीक यांच्या लिखाणाची दखल प्रख्यात साहित्यीक रा . चिं . ढेरे यांच्या शिखर शिंगणापूरचा शंभु महादेव या संदर्भ ग्रंथात घेतली गेली आहे .
          अ . भा . मराठी साहित्य संमेलनाचे माजी अध्यक्ष शंकरराव खरात, ख्यातनाम पत्रकार मुकुंदराव किर्लोस्कर , माजी आमदार, आचार्य शांतारामबापू गरुड, माजी केंद्रीय मंत्री श्री . राम नाईक, माजी मंत्री, आमदार श्री . जयंतराव पाटील, दै . सामनाचे कार्यकारी संपादक , खासदार श्री . संजय राऊत साहेब , एबीपी माझाचे संपादक राजीव खांडेकर, गदिमा , व्यंकटेशतात्या माडगुळकर इत्यादी अनेक मान्यवरांनी सादिक खाटीक यांच्या कार्याचा गौरव केला आहे . राज्यातील १६ मान्यवरांनी खास लेखाद्वारे सादिक खाटीक यांचे अभिष्टचिंतन केले होते .
          २००० सालापासून मुस्लीम खाटीक बांधवांच्या विविध प्रश्नांसाठी लढणाऱ्या सादिक खाटीक यांनी मुस्लीम खाटीक बांधवांचा अनुसुचित जातीच्या आरक्षणात समावेश व्हावा म्हणून सातत्याने देशव्यापी आवाज उठविला आहे . कृष्णेचे पाणी दुष्काळी तालुक्यात यासाठी आटपाडीतुन १९९३ सुरु झालेल्या लढ्याच्या पायातले दगड बनण्याचे भाग्य सादिक खाटीक यांना लाभले . डॉ . भारत पाटणकर , क्रांतीवीर नागनाथआण्णा नायकवडी यांना या लढ्यासाठी १९९२ साली आटपाडीत आणण्यात सादिक खाटीक यांनी महत्वपूर्ण भूमिका बजावली होती .
          दोन वर्षापासून कुरेश कॉन्फरन्सच्या राष्ट्रीय उपाध्यक्ष पदावर काम करणाऱ्या सादिक खाटीक यांनी कुरेश कॉन्फरन्सचे महाराष्ट्रात मोठे संघटन उभारण्यात मोलाची भूमिका बजावली आहे .
          सादिक खाटीक यांना दिल्या गेलेल्या कर्नाटक निरीक्षक पदाच्या नवीन जबाबदारी बद्दल देशभराच्या सर्व स्तरातून त्यांचे खास अभिनंदन होत आहे .