सोलापूर – अक्कलकोट तालुक्यातील मोट्याळ येथील ग्रामदैवत श्री नरसिंह यात्रेनिमित्त विविध धार्मिक आणि सामाजिक कार्यक्रमाचे आयोजन करण्यात आले आहे.गुरुवारी (दि. ३०) एप्रिलपासून यात्रेला सुरुवात होणार आहे. त्याआदीच विविध धार्मिक, सामाजिक व सांस्कृतिक कार्यक्रमाला सुरुवात करण्यात आल्याची माहिती नृसिंह देवस्थान यात्रा पंचकमिटीच्या वतीने देण्यात आले आहे.
सालाबादा प्रमाणे यावर्षी नृसिंह जयंती उत्सवात साजरी करण्यात येत आहे. गुरुवारी सायं सात वाजता श्री नृसिंह महाराज जन्मोत्सव व रात्री ठीक नऊ वाजता श्री ह.भ.प. आबा महाराज पाटील कुरनूरकर यांचे सात ते नऊ दरम्यान कीर्तनाचा कार्यक्रम होणार आहे.
शुक्रवारी (दि.१) सकाळी ठीक सात वाजता नृसिंह महाराज यांच्या पालखीची भव्य सवाद्या मिरवणूक होणार आहे. त्यानंतर महाप्रसाद वाटप व सायंकाळी चार वाजता जंगी कुस्त्यांचा कार्यक्रम होणार असल्याची माहिती यात्रा पंच कमिटीने दिली आहे.
—
शुक्रवारी रक्तदान शिबीर
नृसिंह यात्रेनिमित्त शनिवारी (दि.२५) पासून ग्रंभ रा ज्ञानेश्वरी परायण सोहळ्यास सुरुवात झाली आहे. त्याच निमित्ताने जगदंबा एक्वा तर्फे शुक्रवारी (दि.१मे) रक्तदान शिबीराचे आयोजन करण्यात आले आहे. जास्तीत जास्त भाविकांनी रक्तदान करावे, असे आवाहन नृसिंह यात्रा कमिटीने केले.
—
एमपीएल क्रिकेट स्पर्धेला सुरुवात
नृसिंह महाराज यात्रेनिमित्त मोट्याळ प्रमियअर लिगच्या वतीने हा पिच भव्य टेनिस बॉल क्रिकेट स्पर्धाचे शनिवारी (दि.२५) पासून सुरुवात झाले आहे. त्या स्पर्धेचा सेमी फायनल, फायनल सामना शुक्रवारी (दि.१मे) ला होणार आहे.
—
शुक्रवारी लावण्यांचा कार्यक्रम
पुणे येथील राम चौधरी यांचे लावण्यरंग कार्यक्रम शुक्रवारी (दि.१) होणार आहे. त्यासाठी यात्रा कमिटीकडून जय्यत तयारी सुरु असून, या कार्यक्रमाला लावणी रसिकांनी हजेरी लावावे, असे आवाहन यात्रा कमिटीच्या वतीने करण्यात आले.
