मोडनिंब – मोडनिंब (ता. माढा) येथे आषाढी एकादशीनिमित्त आयोजित ३१ व्या वैष्णव मेळाव्याची भक्तिमय वातावरणात सांगता झाली. या मेळाव्यात हरिपाठ, हरिकीर्तन, उद्घाटनपर कीर्तन, चक्रीकीर्तन, चिंतन शिबिर, दिंडी सोहळा (ग्रामप्रदक्षिणा), काल्याचे कीर्तन आदी विविध धार्मिक कार्यक्रम उत्साहात पार पडले.मेळाव्यात ह.भ.प. महेश पाटील (जळगाव), ह.भ.प. धनश्रीताई शिंदे (जळगाव), ह.भ.प. नामदेव अप्पा बिलाडे (अहिल्यानगर) आणि ह.भ.प. सौ. विजयाताई पंडित (श्रीगोंदा-पेडगाव) यांच्या सुश्राव्य कीर्तनांनी उपस्थित भाविकांना भक्तिरसाचा आनंद दिला.
मेळाव्यादरम्यान मोठ्या संख्येने वैष्णव भाविक उपस्थित होते. काल्याचे कीर्तन, महाआरती व महाप्रसादानंतर मेळाव्याची सांगता झाली. कार्यक्रमाच्या यशस्वी आयोजनासाठी गुरुवर्य चंद्रहार जाधव महाराज, सारंग सुरवसे, नितीन बुधवंतराव, सेवेकरी व ग्रामस्थांनी विशेष परिश्रम घेतले.साधक,भाविक बंधू-भगिनींसाठी प्रवचन, हरिपाठ, व भक्तांना भोजन व्यवस्था करण्यात आली होती.या कार्यक्रमासाठी संत श्रीपाद बाबा साधक मंडळ मोडनिंब तसेच पंचक्रोशीतील साधक बंधू-भगिनींनी संयोजनात सक्रिय सहभाग घेतला. सर्वसाधारकांनी टाळ-मृदंगाच्या गजरात मिरवणूक राधाकृष्ण गोपाळकृष्ण असा नामघोष करीत मोडनिंब गावातून फेरी काढली. यामध्ये डोक्यावर कलश घेऊन महिला सहभागी झाल्या होत्या.
