पंढरपूर – पंढरपूर-मंगळवेढा विधानसभा मतदारसंघाचे आमदार समाधान आवताडे यांच्या वाढदिवसानिमित्त विविध सामाजिक उपक्रमांचे आयोजन करण्यात येत आहे. याचाच एक भाग म्हणून गोपाळपूर येथील मातोश्री वृद्धाश्रमातील ज्येष्ठ नागरिकांना दोन महिने पुरेल एवढे अन्नधान्य भेट देऊन सामाजिक बांधिलकी जपण्यात आली. हा उपक्रम उद्योजक संजय आवताडे यांच्या हस्ते पार पडला. या उपक्रमाचे आयोजन मराठा महासंघाचे युवक प्रदेशाध्यक्ष सुरज भोसले यांच्या वतीने करण्यात आले होते.
यावेळी शरीफ शेख, बापू गोडसे, दिगंबर वाळके, प्रशांत जाधव, विनोद असबे, विक्रम आसबे, एम.एम पवार, महेश चव्हाण, संभाजी शिंदे नाईक, विकी भोसले, शंकर सुरवसे, अभिजीत मोरे उपस्थित होते.
वाढदिवस म्हटले की हारतुरे, सत्कार आणि शुभेच्छांचा वर्षाव असे चित्र सर्वत्र पाहायला मिळते. मात्र, वाढदिवसाचे औचित्य साधून समाजातील गरजू आणि निराधार घटकांना मदतीचा हात देण्याचा उपक्रम राबविण्यात आल्याने त्याचे विशेष कौतुक होत आहे. मातोश्री वृद्धाश्रमातील ज्येष्ठ नागरिकांना दैनंदिन गरजांसाठी आवश्यक असणारे अन्नधान्य उपलब्ध करून देत दोन महिन्याभराच्या भोजनाची व्यवस्था करण्यात आली आहे.
यावेळी बोलताना सुरज भोसले म्हणाले की, आमदार समाधान आवताडे यांच्या वाढदिवसानिमित्त सामाजिक बांधिलकी जपत वृद्धाश्रमातील आजी-आजोबांना मदत करण्याचा संकल्प केला. त्यानुसार मातोश्री वृद्धाश्रमाला दोन महिने पुरेल एवढे अन्नधान्य भेट देण्यात आले. समाजातील ज्येष्ठ नागरिकांची सेवा करणे ही आपली नैतिक जबाबदारी असून, अशा उपक्रमांतून सामाजिक संवेदनशीलता जपली पाहिजे.
तसेच आमदार समाधान आवताडे यांना उत्तम आरोग्य आणि दीर्घायुष्य लाभावे, त्यांच्या हातून मतदारसंघाची अशीच विकासकामे घडावीत आणि भविष्यात त्यांना लाल दिव्याची गाडी मिळावी, अशी मनोकामना श्री विठ्ठल-रुक्मिणी मातेच्या चरणी व्यक्त केल्याचेही सुरज भोसले यांनी सांगितले.
Views: 20