जाफराबाद – येथील जिल्हा परिषद प्रशाला शाळेच्या मैदानावर दरवर्षीप्रमाणे याही वर्षी डॉक्टर, महसूल पंचायत समिती, कृषी विभाग व पोलीस कर्मचारी यांच्या वतीने सदभावना चषक क्रिकेट स्पर्धा 2026 पर्व तिसऱ्याचे आयोजन करण्यात आले होते.
या अगोदर दोन वर्षापासून असे सामने कर्मचाऱ्यांचे ठेवण्यात आलेले होते. डॉक्टर व कर्मचारी यांना आपल्या कामाच्या ताणतणातून त्यांच्यामध्ये असलेले खेळाडू गुणाचे नावलौकिक व्हावे. व त्यांच्यामध्ये असलेले गुणाना चांगला प्रकारचे प्रोत्साहन मिळावे, डॉक्टर्स कर्मचारी यांना उत्साह निर्माण व्हावा या उद्देशाने असे क्रिकेट सामने ठेवले जातात. सद्भावना चषक क्रिकेट स्पर्धा 2026 पर्व तिसरे या मध्ये पाच टीमने सहभाग नोंदवला होता.टीम (१ )जे. डी. ए.( डॉक्टर संघटना जाफराबाद) टीम( २) महसूल वॉरियर्स( तहसील कार्यालय जाफराबाद), टीम( ३) बळीराजा इलेवन ( तालुका कृषी कार्यालय जाफराबाद ) टीम (४) ग्रामविकास – ११ ( पंचायत समिती कार्यालय जाफराबाद ) टीम (५) सुपरकॉप इलेवन ( पोलीस स्टेशन जाफराबाद व पोलीस ठाणे टेंभुर्णी ) असे होते. सदर क्रिकेट सामन्यामध्ये पोलीस कर्मचारी संघ व पंचायत समिती कर्मचारी संघ यांच्यामध्ये अंतिम सामना झाला.
पंचायत समिती कर्मचारी संघाने १०१ धावाचा डोंगर उभा केला होता. पोलीस कर्मचारी संघांना १०२ धावाचे एक प्रकारचे आव्हान देण्यात आले होते. सदर क्रिकेट सामन्यामध्ये पोलीस कर्मचारी संघातर्फे महेश वैद्य यांनी २१ चेंडू मध्ये जोरदार फटकेबाजी करत ५४ धावांची खेळी खेळून आपल्या संघाला विजय मिळवून दिला. या सामन्यामध्ये त्यांना सामनावीर म्हणून बहुमान मिळाला. सदर क्रिकेट सामन्यामध्ये अमोल चोरमारे यांना मालिकावीर म्हणून गौरवण्यात आले. पोलीस कर्मचारी संघाच्या वतीने या टीम मध्ये महेश वैद्य, सचिन तिडके,कमलाकर लक्कस, राम मोरे,गंगाधर खरात, अनिल साळुंखे,सचिन कायंदे, सागर शिवरकर, प्रकाश पठाडे, अनंता भुतेकर,बंडू गायकवाड, रमेश माने, प्रदीप गाडेकर, संदीप भागिले,चंद्रकांत म्हस्के, अशोक घोंगे,संदीप गवई,गवई,सुरूशे, झाल्टे, जायभाये, इत्यादी खेळाडू होते.
या सर्व खेळाडूचे भोकरदन उपविभागीय पोलीस अधिकारी नितीन कटेकर,जाफराबाद पोलीस ठाण्याचे पोलीस निरीक्षक सतीश जाधव, जाफ्राबाद पोलीस ठाण्याचे सहाय्यक पोलीस निरीक्षक चव्हाण, टेंभुर्णी पोलीस ठाण्याचे सहाय्यक पोलीस निरीक्षक कैलास भारती, टेंभुर्णी पोलीस ठाण्याचे पोलीस उपनिरीक्षक बाबासाहेब खार्डे, जाफराबाद पोलीस ठाण्याचे उपनिरीक्षक वसुदेव पवार, पोलीस उपनिरीक्षक राजधर पठाडे यांनी या खेळाडूची कौतुक केले आहे.
