सोलापूर : जुना कारंबा नाका जवळील श्री. सद्गुरू प्रभाकर स्वामी महाराज मंदिर सार्वजनिक ट्रस्टीच्या तब्बल दीड एकर शेत जमिनीवरून बेकायदेशीरिता बनावट नकाशाच्या आधारे महापालिका कर्मचारी आणि बिल्डर (विकासका)च्या संगनमतातून नाला (ओढा) वळविण्यात आला असल्याची तक्रार ट्रस्टी बाळकृष्ण शिंगाडे यांनी महापालिका आयुक्त डॉ. सचिन ओम्बासे यांच्याकडे केली आहे. दरम्यान, संबंधितांवर फसवणुकीचा गुन्हा दाखल करण्यात यावा. ओढ्याचे पात्र पुर्ववत करण्यात यावे. ते ले-आऊट रद्द करण्यात यावे, अशी मागणी केली आहे.
श्री सद्गुरू प्रभाकर स्वामी महाराज मंदिर सार्वजनिक ट्रस्ट तर्फे चिफ ट्रस्टी मोहन बोड्डू व मॅनेजिंग ट्रस्टी बाळकृष्ण शिंगाडे यांनी यासंदर्भात आयुक्तांकडे तक्रार दिली आहे. दरम्यान, आज त्यांनी आवश्यक ते पुरावे आणि कागदपत्रेही सादर केली आहेत. शहरातील जुना कारंबा नाका परिसरात श्री. सदगुरू प्रभाकर स्वामी महाराज मंदिर सार्वजनिक ट्रस्टच्या मालकीची गट नं. २१ हि ६ एकर शेतजमीन कसबे सोलापूरमध्ये आहे. त्यापैकी तब्बल दीड एकर शेत जमिनीवर बेकायदेशीर हा ओढा वळविला आहे. या ठिकाणी महापालिका आयुक्त यांच्या बनावट आदेशाच्या आधारे व कोणताही आदेश नसताना सोलापूर महापालिका कर्मचारी, अधिकारी व विकासक नंदकिशोर पंचारिया यांनी संगनमतानी दिशाभूल करून सरकारी रस्त्याची व डी.पी. रोडच्या जमिनीमधून मोठा सांड पाण्याच्या ओढा तब्बल ९० अंशामध्ये दोन ठिकाणी जवळ जवळ १०० फुट इतका वळवला आहे, असा खळबळजनक आरोप आणि तक्रार ट्रस्टीने केली आहे. येथील कसबे सोलापूर येथील गट नं. २१ चे दक्षिणेस व सि.स. नं.टी.पी. ४ फायनल प्लॉट नं.३३ व ३४ चे उत्तरेस असलेला नैसर्गिक ओढ्याचे पात्र बेकायदेशीर रित्या वळवून फायनल प्लॉट नं. ३३ व ३४ मध्ये बेकायदेशीर रित्या ले-आऊट मंजुर करून घेतला आहे व दक्षिणेकडील डि.पी. रोड व ओढापडची जागा हडप केली आहे, असा आरोप केला आहे.
ट्रस्टीच्या शेत जमिनीवरून तब्बल दीड एकर परिसरात हा ओढा वळविला असल्याने शेतजमीन नापीक झाली आहे. केली पाच वर्षापासून ट्रस्टीला हे नुकसान सहन करावे लागत आहे. श्री. सद्गुरू प्रभाकर स्वामी महाराज मंदिर सार्वजनिक ट्रस्टच्या जमीनीमधून महापालिका आयुक्त यांचा कोणताही आदेशा नसताना फसवणुक , नुकसान करण्याच्या उद्देशाने व सरकारी रस्त्याची जमीन हडप करण्याच्या उद्देशाने बेकायदेशीर रित्या सांड पाण्याचा मोठा ओढा वळवून ट्रस्टच्या जमिनीचे नुकसान केले. बोगस नकाशे व आदेश दाखवून बनावट ले-आऊट मंजुर करून घेतले असा आरोप
ट्रस्ट पदाधिकाऱ्यांनी केला आहे. हे ले-आऊट रद्द करून ओढयाचे पात्र पुर्ववत करण्याची मागणी केली आहे.
बेकायदेशीर रित्या ओढयाचे पात्र वळवल्याप्रकरणी नंदकिशोर पंचारिया व महापालिकेचे संबंधित कर्मचारी अधिकारी यांच्यावर फसवणुकीचा गुन्हा दाखल करण्यात यावा. ओढ्याचे पात्र पुर्ववत करण्यात यावे.तसेच टी. पी. ४ फायनल प्लॉट नं. ३३ व ३४ मधील ले-आऊट रद्द करण्यात यावे, अशी मागणी ट्रस्टी बाळकृष्ण शिंगाडे केली आहे.
