बार्शी – येथील उच्चतम कृषी उत्पन्न बाजार समितीच्या सभापतीपदी पांगरीतील विजय गरड यांची तर उपसभापतीपदी वैराग भागातील शेळगाव (आर)चे बाबासाहेब गायकवाड यांची आज सर्वानुमते निवड झाली सभापतीपदी निवड झालेले विजय गरड हे माजी आमदार राजाभाऊ राऊत यांचे गेली तीस वर्षे निष्ठावंत समर्थक असून त्यांनी यापूर्वी बार्शी तालुका पंचायत समितीचे उपसभापतीपद व जिल्हा नियोजन आणि विकास मंडळाचे सदस्य पद भूषविलेले आहे तर उपसभापतीपदी निवड झालेले बाबासाहेब गायकवाड हे वैराग भागातील शेळगाव (आर)चे शिक्षण संस्था चालक आहेत. आज बाजार समितीच्या कार्यालयात निवडणूक निर्णय अधिकारी आबासाहेब गावडे सहा. निवडणूक अधिकारी अनिस सय्यद यांच्या उपस्थितीमध्ये ही निवड प्रक्रिया पार पडली. यावेळी विजय गरड यांचे नाव खामगाव येथील प्रभाकर डमरे यांनी सुचवले तर उपसभापतीपदी गायकवाड यांचे नाव सुरेश गुंड यांनी सुचवले. यावेळी झालेल्या जाहीर सत्कार समारंभात बोलताना माजी आमदार राजेंद्र राऊत यांनी मुख्यमंत्री देवेंद्र फडणवीस यांच्या नेतृत्वावर आढळ विश्वास ठेवून काम करत आहे. यापुढे बाजार समितीला पणन मंत्री जयकुमार रावल यांची सदिच्छा भेट ठरवली आहे. तसेच यापुढे नूतन संचालक मंडळाने बाजार समितीचा कारभार करताना सर्वांना विश्वासात घेऊन आणि शेतकरी केंद्रबिंदू मानून काम करावे, असे आवाहन त्यांनी केले. यावेळी बोलताना बाजार समितीचे माजी सभापती रणवीर राऊत यांनी सर्वच घटकांनी एकजुटीने काम केल्यामुळे विजय झाला आहे, असे मत व्यक्त केले.
यावेळी बोलताना नूतन सभापती विजय गरड यांनी आज आपले मन आनंदाने भरुन आले आहे. त्याचप्रमाणे राऊत यांच्यावर निष्ठा ठेवून काम केल्यामुळे संधी मिळाली आहे, असे सांगितले. तसेच यापुढे सर्वांना विश्वासात घेऊन या विश्वासाला सार्थ ठरवू, अशी ग्वाही दिले. यावेळी माजी नगराध्यक्ष असिफ तांबोळी, माजी नगराध्यक्ष रमेश पाटील बाजार समितीचे माजी संचालक रावसाहेब मनगिरे तसेच सुधीर बारबोले, संतोष निंबाळकर, अरुण कापसे, बाबासाहेब कापसे, भाऊसाहेब आंधळकर, दादा गायकवाड आदी नेते मंडळी उपस्थित होते. यावेळी बाजार समितीचे सर्व नूतन संचालक सौ सुमन पाटील, सौ मनीषा ताकभाते, भरतेस गांधी, प्रवीण गायकवाड, यशवंत माने, अजित बारंगुळे, विक्रम धायतिडक, सुरेश गुंड, अभिजीत कापसे, संजय माळी, गजेंद्र मुकटे, माजी संचालक साहेबराव देशमुख, सचिव तुकाराम जगदाळे आदी उपस्थित होते. यावेळी संदीप मिरगणे यांनी सूत्रसंचालन तर यशवंत माने यांनी आभार मानले.
