नांदगाव शहरातील गंगाधरी जवळ एसटी बस व अल्टो कारच्या अपघातात दोन महिलांसह एक पुरुष मृत्यूमुखी पडल्याची घटना घडली असुन या अपघातात एक 2 वर्षीय बालक गंभीर जखमी झाले असुन त्याला अधिक उपचारासाठी नाशिक येथे हलवण्यात येत आहे.अपघाताची माहिती मिळताच आमदार सुहास कांदे यांनी तात्काळ घटनास्थळी धाव घेऊन मदत कार्य सुरू केले.
यासंदर्भातील माहितीनुसार नांदगाव बस डेपोची चाळीसगाव नांदगाव एसटी (एम एच 14 बीटी 4498) आणि मारुती अल्टो कार (एम एच 15 सीडी2057) ही भगूर येथून भडगाव कडे जात असताना समोरासमोर अपघात झाला या अपघातात अल्टो कारमधील दोन महिलेसह एक पुरुषाचा मृत्यू झाला असुन या कारमधील एक दोन वर्षीय बाळ गंभीर जखमी झाले असुन त्याला अधिक उपचारासाठी नाशिक येथे हलवण्यात आले आहे या अपघाताचे वृत्त समजताच आमदार सुहास कांदे यांनी घटनास्थळी धाव घेतली व मदतकार्य सुरू केले आहे एसटीच्या अपघातात मोठ्या प्रमाणावर वाढ झाली असुन याबाबत शासनाने उपाययोजना करण्याची गरज व्यक्त होतेय.
