नांदेड : किनवट पोलीस ठाण्यात मागील काही दिवसांत तीन वेगवेगळ्या घटनांवरून गुन्ह्यांची नोंद करण्यात आली आहे.
आत्महत्येची घटना (आ.म्र.नं. 39/2025 कलम 194 BNSS) मांडवा (ता. किनवट) येथे दि. 23 ऑक्टोबर 2025 रोजी सकाळी साडेसहाच्या सुमारास व्यंकट नारायण बोल्लेवार (वय 47) यांनी राहत्या घरी गळफास घेऊन आत्महत्या केल्याची घटना घडली. या घटनेची खबर त्यांचे चुलत भाऊ प्रभाकर रामलु बोल्लेवार (वय 34) यांनी दिली. या प्रकरणी नोंद करून पुढील तपास हेड कॉन्स्टेबल मुंडे यांच्या कडे सोपविण्यात आला आहे.
मारहाण व धमकीप्रकरणी गुन्हा (गुरन क्र. 298/2025 कलम 118(1), 296, 351(2), 115(2), 3(5) BNS) फिर्यादी सरिता रवी चव्हाण (वय 30, रा. सिंदगी (ची), ता. किनवट) यांनी आपल्या पती व सासऱ्याविरुद्ध तक्रार दाखल केली आहे. दि. 31 ऑक्टोबर रोजी दुपारी सुमारास सिंदगी येथे दोघांनी मिळून फिर्यादीस शिवीगाळ, मारहाण करून गंभीर दुखापत केली तसेच “पुन्हा आमच्या घरी आलीस तर जिवंत ठेवणार नाही” अशी धमकी दिल्याचा आरोप आहे. या प्रकरणी किनवट पोलीस ठाण्यात गुन्हा नोंदवून पुढील तपास हेड कॉन्स्टेबल सिद्धार्थ वाघमारे यांच्या कडे सोपविण्यात आला आहे.
धार्मिक भावना भडकविणारा व्हिडिओ प्रसारित केल्याप्रकरणी गुन्हा (गुरन क्र. 299/2025 कलम 353, 299 BNS) रविकांत किशन कंतूलवार (वय 36, रा. बोधडी बु.) यांनी दिलेल्या तक्रारीनुसार, शेख सोहेल (रा. एकता नगर, गोकुंदा) याने “mr sohel king 420” या इंस्टाग्राम आयडीवर गोमातेचा व गोमासाचा आक्षेपार्ह व्हिडिओ स्टेटस म्हणून प्रसारित केला. या कृत्यामुळे हिंदू बांधवांच्या धार्मिक भावना दुखावल्या गेल्या व समाजात द्वेष निर्माण झाला. या प्रकरणी गुन्हा नोंदवून तपास PSI फडेवार यांच्या कडे दिला आहे. सर्व गुन्ह्यांचा तपास पोलीस निरीक्षक देविदास चोपडे यांच्या मार्गदर्शनाखाली सुरू आहे.
