सुस्ते – श्री दादासाहेब सोमदळे शिक्षण प्रसारक मंडळ, पंढरपूर संचलित, सुस्ते येथील श्री दत्त विद्या मंदिर व कनिष्ठ महाविद्यालयात पंढरपूर ग्रामीण पोलीस ठाणे अंतर्गत “विद्यार्थी सुरक्षितता व जागरूकता” याविषयी प्रबोधनात्मक कार्यक्रम घेण्यात आला.
यावेळी पोलीस निरीक्षक तैयुब मुजावर पोलिस उपनिरीक्षक विक्रम वडणे साहेब यांनी समाजकंटकापासून विद्यार्थ्यांना प्रवासादरम्यान येणाऱ्या अडचणी,शालेय व सामाजिक जीवनातील अडचणी, पालक, समाज व शिक्षकांनी घ्यावयाची काळजी आणि सुरक्षितता याबद्दल मार्गदर्शन केले. गुड टच- बॅड टच तसेच पोक्सो कायद्याबद्दल विस्तृत माहिती दिली.संस्थेचे जेष्ठ संचालक अनिरुद्ध सालविठ्ठल व प्रशालेचे प्राचार्य अविनाश कटकधोंड यांचे हस्ते उपस्थित मान्यवरांचा सत्कार करण्यात आला.
नाशिक जिल्ह्यातील मालेगाव मधील यज्ञा दुसाने या चिमुकलीच्या निर्घृण हत्येचा प्रशालेतर्फे निषेध करण्यात आला व मौन पाळून तीच्या स्मृतींना आदरांजली वाहण्यात आली.यावेळी पोलिस कॉन्स्टेबल सचिन आटपाडकर, योगिराज खिलारे,ज्येष्ठ लिपिक राजकुमार ढगे,शिक्षक प्रतिनिधी श्रीकांत चंदनशिवे, शिक्षकेतर प्रतिनिधी नागनाथ मैंदर्गी, प्रथमेश गावडे व प्रशालेतील सर्व शिक्षक शिक्षकेतर कर्मचारी उपस्थित होते.
