अकलूज – अकलूज नगर परिषदेची निवडणूक सुरू असून अर्ज माघार घेण्याच्या दिवसा नंतर प्रचारात रंगत आली आहे. राष्ट्रवादी काँग्रेस पार्टी अजित पवार गटाचे पूर्ण पॅनल डॉक्टर धवलसिंह मोहिते पाटील व पद्मजादेवी मोहिते पाटील यांच्या नेतृत्वाखाली सर्व जागा लढवीत आहे.
यातील प्रमुख उमेदवार उर्वशी राजे धवलसिंह मोहिते पाटील या निवडणुकीत उमेदवार आहेत. त्यांनी पत्रकारांशी बोलताना सांगितले की लोकनेते प्रतापसिंह मोहिते पाटील यांनी घालून दिलेल्या आदर्शवर आम्ही काम करत असून त्यांचे वाक्य जिवात जीव मान असे तो जनतेची सेवा करू हेच ब्रीदवाक्य घेऊन आम्ही ही निवडणूक जनतेसाठी लढवित आहोत.साधारण अकलूज शहरातील जनतेला मूलभूत सुविधा आम्ही देण्याचा प्रयत्न करणार आहोत. यामध्ये वीज, पाणी, रस्ते, शैक्षणिक व आरोग्य सुविधा याचबरोबर महिलांसाठी वस्तीगृह उभारण्याचा आमचा मानस आहे. पिण्याचे पाणी, खराब रस्ते, खराब गटारी, विजेची सोय नाही हे अकलूज चे मूलभूत प्रश्न असून या सर्व गोष्टीवर आम्ही काम करणार आहोत.
लहान मुलांसाठी व वयोवृद्ध ज्येष्ठ नागरिकांसाठी गार्डन व खेळण्याचे ग्राउंड उपलब्ध करणार आहोत अकलूज मधील मतदार हे आमचे कुटुंब आहे व त्यासाठी आम्ही काम करणार असल्याचे त्यांनी सांगितले.आमच्या पॅनलचे सर्व उमेदवार हे सुशिक्षित आहेत, राज्याचे उपमुख्यमंत्री अजित पवार यांच्या माध्यमातून अनेक विकासाची कामे आम्ही करणार आहोत असे त्यांनी सांगितले.
