सोलापूर : रोटरी क्लब ऑफ सोलापूर, जिल्हा शल्यचिकित्सक कार्यालय, सोलापूर आणि लोकमान्य टिळक सर्वसाधारण रुग्णालय बाल शल्यचिकित्सा विभाग, मुंबई यांच्या संयुक्त विद्यमाने बालरुग्ण शस्त्रक्रिया शिबिर मोठ्या उत्साहात सुरू झाले. पहिल्या दिवशी १०० बाल रुग्णांवर मोफत शस्त्रक्रिया करण्यात आली. यामध्ये जीभ टाय, फिमोसिस, हर्निया, अवांतरित अंडकोष, नाभी हर्निया आणि सिस्ट यांसारख्या शस्त्रक्रिया नियोजित आहेत.
शिबिराचे उद्घाटन डॉ. वर्षा डोईफोडे जिल्हा शल्यचिकित्सक, डॉ. पारस कोठारी प्रमुख, बालशल्यचिकित्सा विभाग, लोकमान्य टिळक रुग्णालय, मुंबई, वैद्यकीय अधिकारी डॉ. अग्रजा चिटणीस-वरेरकर, वैद्यकीय अधीक्षक डॉ. जयश्री ढवळे, डॉ. आशा घोडके, रोटरी जिल्हा ३१३२ चे प्रांतपाल सुधीर लातुरे, २०२६-२७चे प्रांतपाल जयेश पटेल यांची प्रमुख उपस्थिती होती.
मुंबईच्या लोकमान्य टिळक सर्वसाधारण रुग्णालयातील तज्ज्ञ डॉक्टरांची टीम विशेषतः या शिबिरासाठी सोलापूरला दाखल झाली असून, जिल्हा रुग्णालयाच्या डॉक्टर आणि स्टाफ यांच्या सहकार्याने पुढील दोन दिवस शस्त्रक्रिया पार पडणार आहेत.
कार्यक्रमास सहाय्यक प्रांतपाल जयश्री चव्हाण, डॉ. ज्योती चिडगूपकर, सौ. शांता येळंबकर, सौ. पारुल पटेल, सुहास लाहोटी, मितेश पंचमीया, संतोष कणेकर, शिवाजी उपरे, पराग कुलकर्णी , प्रशांत सिंगी, बी.एस. मुंदडा, राज मिनियार , कालिदास जाजू , विलास कोल्हे, आनंद गुंड्याल, डॉ. सोनाली वळसंगकर आदी मान्यवर उपस्थित होते.
