वाळूज – श्री दत्त गायन समाज बार्शी व पं आप्पासाहेब जळगावकर हार्मोनियम फांउडेशन यांच्या संयुक्त विद्यमाने दिनांक २,३ व ४ डिसेंबर२०२५ रोजी सायंकाळी ५.३० वाजता, बार्शी येथील ढगेमळा मातृमंदिर सभागृहात श्री दत्त जयंती जन्मोत्सव व पं. आप्पासाहेब जळगावकर जन्मशताब्दी संगीत महोत्सव’ या कार्यक्रमाचे आयोजन केले आहे.
बार्शी येथील श्री दत्त गायन समाज या संगीत संस्थेस शतकाची परंपरा लाभली आहे.दरवर्षी श्री दत्त जयंतीचे औचित्य साधून अनेक दिग्गज कलावंतांनी या संस्थेत आपल्या गायन वादनाची सेवा केलेली आहे. या संगीत संस्थेचा मूळहेतू म्हणजे बुजुर्ग कलावंतांचे गायन वादन ऐकायला मिळावे.
नवोदित कलावंतांना व्यासपीठ मिळावे तसेच संगीत अभ्यास करणा-या विद्यार्थ्यांना कलावंतांचा सहवास व मार्गदर्शन मिळावे. शास्त्रीय संगीताच्या प्रचार व प्रसारासाठी संस्था कार्यरत आहे.यावर्षी दत्त जयंती जन्मोत्सव व पं.आप्पासाहेब जळगावकर जन्मशताब्दी संगीत महोत्सवाचे आयोजन करण्यात आले आहे. हा सोहळा संस्मरणीय व्हावा यासाठी या विख्यात कलावतांना निमंत्रित करण्यात आले आहे.
मंगळवार दि. २ डिसेंबर २०२५ रोजी बार्शी येथील स्थानिक कलाकारांचा कार्यक्रम संपन्न होणार आहे.३ डिसेंबर सायं ५.३० वाजता, संजय भावे (पुणे) यांचे सॅक्सोफोन वादन, कौमुदी रास्ते-कुलकर्णी (पुणे) हार्मोनियम वादन, भाग्यश्री देशपांडे ( मुंबई) सुश्राव्य गायन, संतोष अत्रे पुणे( हार्मोनियम वादन) तर साथ संगत तबल्यावर सोमेश्वर काळगे (पुणे) ,हार्मोनियमवर संतोष अत्रे यांची आहे .गुरुवार ४ डिसेंबर रोजी अमृत बापट (पुणे) यांचे तबला वादन, डॉ. उपेंद्र सहस्त्रबुध्दे (पुणे) व सुरेश जाधव (बार्शी) यांचे हार्मोनियम सहवादन, पं. उमेश चौधरी (मुंबई) सुश्राव्य गायन तर साथ संगत तबल्यावर पं. माधव मोडक (पुणे), हार्मोनियमवर डॉ. उपेंद्र सहस्त्रबुध्दे यांची आहे
सर्व रसिकांसाठी हा कार्यक्रम विनामूल्य असणार आहे.
या संगीत समारोहासाठी सर्व रसिकांनी व संगीत साधकांनी मोठ्या संख्येने उपस्थित राहावे, असे आवाहन कार्यक्रम आयोजक श्री दत्त गायन समाज बार्शी व पं.आप्पासाहेब जळगावकर हार्मोनियम फांउडेशन यांच्यावतीने करण्यात आले आहे.
