सोयगाव / संभाजीनगर – जिल्हा परिषद केंद्रीय प्राथमिक शाळा सोयगाव येथे जिल्हाधिकारी दिलीप स्वामी, गटशिक्षणाधिकारी, सचिन शिंदे व केंद्रप्रमुख फिरोज तडवी यांच्या मार्गदर्शनाखाली दशसूत्री व आनंददायी उपक्रमतार्गत शाळेचे मुख्याध्यापक किरणकुमार पाटील याच्या संकल्पनेतून स्वनिर्मितीचा आनंद कार्यक्रम उत्साहात पार पडला.
या उपक्रमाचा उद्देश विद्यार्थ्यांना स्वावलंबनासह अन्ननिर्मितीतील श्रमांचे महत्त्व समजावणे होता. विद्यार्थ्यांनी स्वनिर्मिती, सृजनशीलता, स्वच्छता, गटकार्य आणि पाककला यांचे प्रत्यक्ष धडे घेतले. विशेष म्हणजे त्यांनी स्वतः हाताने पोळी, भाकरी, पुरी, भाजी, पिठले,पोहे,उपमा तयार करताना तव्याची उष्णता,हाताला बसणारे सूक्ष्म चटके,पोळी फुलविण्याची प्रक्रिया तसेच भाकरी भाजण्याची क्रिया यांचा अनुभव घेतला.
या अनुभवातून विद्यार्थ्यांना आई-वडिलांच्या कष्टांविषयी आदर,अन्नाची नासाडी टाळण्याचे महत्त्व,तसेच श्रमाचे मूल्य समजले.मुलांमध्ये सहकार्य,संयम,गटभावना व आत्मविश्वास वाढला.कन्याकवयित्री बहिणाबाई चौधरी यांच्या कवितेतील “अरे संसार संसार,आधी हाताला चटके मग मिळते भाकर” याचा अर्थ विद्यार्थ्यांनी प्रत्यक्ष अनुभव पाहिला.कार्यक्रमाला नगरसेवक राजेंद्र दुतोंडे व शालेय व्यवस्थापन समिती सदस्य रविंद्र साखळे यांनी उपस्थित राहून विद्यार्थ्यांचे कौतुक केले.प्रशाला सोयगाव व केंद्र शाळा सोयगाव येथील मुख्याध्यापक,शिक्षकवृंद व पालकांच्या उपस्थितीत कार्यक्रम उत्साहपूर्ण वातावरणात पार पडला.मुलींसोबत मुलांनीही उत्स्फुत सहभाग घेतला आणि घरच्या कामात हातभार लावण्याची जाणीव त्यांना झाली.कार्यक्रम यशस्वी करण्यासाठी मुख्याध्यापक किरणकुमार पाटील,सुरेखा चौधरी,पंकज रगडे,रामचंद्र महाकाळ,मंगला बोरसे,सविता पाटील,गणेश बाविस्कर, प्रतिभा कोळी,अंकुश काळे,विकार शेख,बी.वाय.बागवान, शुभम देसले तसेच अन्य शिक्षकांनी मोलाचे परिश्रम घेतले उपक्रमाचे पालक वर्गातून कौतुक होत आहे.
दशसुत्री कार्यक्रमातून विद्यार्थ्यानी घेतला स्वनिर्मितीचा आनंद जिल्हाधिकारी दिलीप स्वामी यांच्या संकल्पनेतील दशसुत्री उपक्रमातर्गत जिल्हा परिषद केंद्रीय प्राथमिक शाळा सोयगाव येथे विविध उपक्रमाचे आयोजन करण्यात येत आहेत त्यातील स्वनिर्मितीचा आनंद हा एक उपक्रम असून यातून विद्यार्थ्यानी स्वनिर्मिती, स्वावलंबन, स्वच्छता, गटकार्य, सृजनशिलता याचा आनंद घेतला. विद्यार्थीनी सोबतच विद्यार्थ्यानीही मोठ्या प्रमाणावर सहभाग घेतला याचा विद्यार्थ्याना भविष्यातही उपयोग होईल यात शंका नाही.
- किरणकुमार पाटील,मुख्याध्यापक केंद्र शाळा सोयगाव
सोबत फोटो –
