पंढरपूर – संपुर्ण राज्याचे लक्ष लागून राहिलेल्या पंढरपूर नगरपरिषदेच्या निवडणूकीत सत्ताधारी परिचारकांच्या नेतृत्वाखालील भाजपाची गड आला पण सिंह गेला अशी अवस्था झाली.कारण पंढरपूर पालिकेच्या या निवडणूकीत एकीकडे भाजपा आणि मित्रपक्ष आघाडीचे तब्बल २४ नगरसेवक निवडून आले तर दुसरीकडे सर्वात महत्वाच्या अशा नगराध्यक्षपदाच्या निवडणूकीत मात्र विरोधी तिर्थक्षेत्र विकास आघाडीच्या उमेदेवार डाँ.प्रणिता भालके यांनी तब्बल ११ हजार १३६ मतांनी भाजपाच्या उमेदवार शामल लक्ष्मण शिरसट (पापरकर ) यांचा पराभव केला. या निवडणूकीत भालकेंच्या तिर्थक्षेत्र आघाडीला नगरसेवकपदाच्या केवळ ११ जागांवर समाधान मानावे लागले. एका जागेवर अपक्ष उमेदवार निवडून आला.
पंढरपूर नगरपरिषदेच्या निवडणूकीची मतमोजणी येथील तहसील कार्यलया समोरील शासकीय धान्य गोदामा मध्ये रविवारी सकाळी दहा वाजता सुरु झाली. एकुण नऊ फेऱ्यामध्ये सर्व निकाल जाहीर झाले. दुपारी अडीचच्या सुमारास नगराध्यक्षपदासह ३५ नगरसेवकपदाचे निकाल घोषित झाले. मतदाना पूर्वीच प्रभाग क्रमांक पाच (अ) मधुन भाजपाच्या परचंडे या बिनविरोध निवडून आलेल्या होत्या. त्यामुळे भाजपाने पालिकेत सुरुवातीलाच एकने खाते उघडले होते. दरम्यान मतमोजणीच्यावेळी प्रभाग क्रमांक एक पासूनच नगराध्यक्षपदाच्या उमेदवार डाँ.प्रणिता भालकें यांची विजयी घौडदौड सुरु झालेली दिसून आली. नगराध्यक्षपदाची निवडणूक जनते मधून असल्यामुळे पहिल्या फेरीनंतरच नगराध्यक्षपदासाठी नागरिकांचा डाँ.प्रणिता भालकेंना कौल असल्याचा अंदाज आला होता.एकुण नऊ फेरी मध्ये नगराध्यक्षपदासाठी डाँ.प्रणिता भालकेंनी सुमारे ११ हजार १३६ मतांचे मताधिक्य घेऊन प्रतिस्पर्धी उमेदवार शामल लक्ष्मण शिरसट (पापरकर ) यांचा मोठ्या फरकाने पराभव केला.
दुसरीकडे नगरसवेक पदासाठी झालेल्या मतमोजणी मध्ये प्रत्येक प्रभागात रंगत दिसुन आली.पालिकेच्या एकुण १८ प्रभागातून ३५ नगरसेवक पदाच्या उमेदवारांसाठी मतदान झालेले होते. या मध्ये परिचारकांच्या नेतृत्वाखालील भाजप मित्रपक्ष आघाडीला २४ जागा मिळाल्या.विरोधी तिर्थक्षेत्र आघाडीचे ११ नगरसेवक विजयी झाले. तर एका जागेवर अपक्ष उमेदवार निवडून आला.
पालिकेच्या या निवडणूकी मध्ये विठ्ठल कारखान्याचे अध्यक्ष तथा माढ्याचे आमदार अभिजीत पाटील यांनी देखील विठ्ठल परिवर्तन विकास आघाडी स्थापन करुन सुमारे १२ नगरसेवकपदासाठीचे उमेदवार उभे केलेले होते.विशेष म्हणजे या निवडणूकी मध्ये आमदार पाटील यांच्या विठ्ठल परिवर्तन विकास आघाडीला साधे खाते देखील उघडता आले नाही.
पालिकेच्या निवडणूकीतील प्रभागा नुसार विजयी उमेदवार पुढील प्रमाणे –
प्रभाग क्रमांक १ (अ) – लखन जंबू चौगुले (भाजपा) आणि प्रभाग क्रमांक १ (ब) – अर्चना गणेश शिंदे (भाजपा)
—————-
प्रभाग क्रमांक २ (अ) –प्रसाद प्रकाश कळसे (तिर्थक्षेत्र विकास आघाडी,पंढरपूर) आणि प्रभाग क्रमांक २ (ब) – प्रणिता किरण घाडगे (तिर्थक्षेत्र विकास आघाडी,पंढरपूर)
———————-
प्रभाग क्रमांक ३ (अ) – तेजश्री रोहित पानकर (भाजपा) आणि प्रभाग क्रमांक ३ (ब) – अक्षय प्रताप गंगेकर (तिर्थक्षत्र विकास आघाडी,पंढरपूर).
——————-
प्रभाग क्रमांक ४ (अ) – विनायक कुमार संगितराव (भाजपा) आणि प्रभाग क्रमांक ४ (ब) – प्रियांका सागर तारापूरकर (भाजपा),
——————
प्रभाग क्रमांक ५ (अ) – कुसुम जगन्नाथ परचंडे ( भाजपा, बिनविरोध) आणि प्रभाग क्रमांक ५ (ब) – ओंकार अभय जोशी (अपक्ष).
———————–
प्रभाग क्रमांक ६ (अ) – सुजितकुमार एकनाथ सर्वगोड (पंढरपूर मंगळवेढा विकास आघाडी,पंढरपूर) आणि प्रभाग क्रमांक ६ (ब) – रेहाना इब्राहिम बोहरी (पंढरपूर मंगळवेढा विकास आघाडी,पंढरपूर)
———————-
प्रभाग क्रमांक ७ (अ) – शिला शरद माने (भाजपा) आणि प्रभाग क्रमांक ७ (ब) – भागवत त्रिंबक बडवे (भाजपा )
———————
प्रभाग क्रमांक ८ (अ) – मनिषा धनंजय देशपांडे (भाजपा) आणि प्रभाग क्रमांक ८ (ब) – प्रदीप दिलीप पवार (भाजपा).
———————-
प्रभाग क्रमांक ९ (अ) –प्रतिक्षा विक्रम शिरसट (भाजपा) आणि प्रभाग क्रमांक ९ (ब) – संदिप पांडुरंग अधटराव (भाजपा),
———————–
प्रभाग क्रमांक १० (अ) – साधना सुधीर धोत्रे (तिर्थक्षेत्र विकास आघाडी,पंढरपूर) आणि प्रभाग क्रमांक १० (ब) – संजय जवाहरलाल बंदपट्टे (तिर्थक्षेत्र विकास आघाडी,पंढरपूर).
————————
प्रभाग क्रमांक ११ (अ) –अनिता सिकंदर ढवळे (भाजपा) आणि प्रभाग क्रमांक ११ (ब) – बालाजी अरुण मलपे (भाजपा).
————————–
प्रभाग क्रमांक १२ (अ) – निता नितीन परचंडे (भाजपा) आणि प्रभाग क्रमांक १२ (ब) –विशाल दगडू मलपे (भाजपा)
————————-
प्रभाग क्रमांक १३ (अ) – रुक्मिणी धनाजी धोत्रे (तिर्थक्षेत्र विकास आघाडी,पंढरपूर) आणि प्रभाग क्रमांक १३ (ब) – नागेश आण्णासाहेब भोसले (तिर्थक्षेत्र विकास आघाडी,पंढरपूर).
————————
प्रभाग क्रमांक १४ (अ) –उज्वला महादेव भालेराव (पंढरपूर मंगळवेढा विकास आघाडी) आणि प्रभाग क्रमांक १४ (ब) – महादेव माणिक धोत्रे (पंढरपूर मंगळवेढा विकास आघाडी),
————————–
प्रभाग क्रमांक १५ (अ) –धर्मराज आण्णाप्पा घोडके (भाजपा) आणि प्रभाग क्रमांक १५ (ब) – स्मिता आदित्य फत्तेपूरकर (तिर्थक्षेत्र विकास आघाडी )
————————-
प्रभाग क्रमांक १६ (अ) – अमोल विठ्ठल डोके (भाजपा) आणि प्रभाग क्रमांक १६ (ब) – संध्या मालोजी शेंबडे (भाजपा),
—————————-
प्रभाग क्रमांक १७ (अ) – लोकेश नागनाथ यादव (तिर्थक्षेत्र विकास आघाडी,पंढरपूर) आणि प्रभाग क्रमांक १७ (ब) – माधुरी दिलीप धोत्रे (तिर्थक्षेत्र विकास आघाडी,पंढरपूर)
—————————
प्रभाग क्रमांक १८ (अ) – विनायक बसवेश्वर देवमारे (तिर्थक्षेत्र विकास आघाडी,पंढरपूर) आणि प्रभाग क्रमांक १८ (ब) – ज्योती अशोक शिंदे ( भाजपा )
———————–
चौकट : ( लाव रे तो व्हिडिओचा मोठा इफेक्ट )
नगराध्यक्षपदाच्या उमेदवार डाँ.प्रणिता भालके यांच्या शेवटच्या प्रचार सभेत भगिरथ भालकेंनी येथील शिवतिर्थावर सभा घेऊन त्या मध्ये लाव रे तो व्हिडिओ म्हणत परिचारकांनी शहरात केलेल्या विकास कामांच्या दाव्याची पोलखोल केली. त्यामुळे देखील भालकेंच्या विजयाचा मार्ग सुकर झाला.
———————-
चौकट : (स्वर्गीय भारत भालकेंवरील टिका मतदारांना रुचली नाही)
पंढरपूर शहरात आमदार भारत भालके यांची एक वेगळी क्रेझ होती. (स्व.) भारतनाना भालकें यांच्या विषयी आजही शहरातील सर्वसामान्य नागरिकांमध्ये सहानुभूती आहे. मात्र नगरपालिका निवडणूकी दरम्यान माजी आमदार प्रशांत परिचारक यांनी प्रचार सभेतून (स्व.) भारत भालके यांचा ऐकेरी उल्लेख करीत त्यांच्यावर केलेली टिका सर्वसामान्य मतदारांना रुचली नाही. त्यामुळे त्याचा देखील मोठा परिणाम नगराध्यक्षपदाच्या मतदानातून दिसुन आला.
——————————
चौकट : ( क्राँसव्होटिंगचा फटका )
पंढरपूर नगरपरिषदेच्या नगराध्यक्षपदाच्या आरक्षण सोडती मध्ये नगराध्यक्षपद हे सर्वसाधारण महिलेसाठी आरक्षीत झालेले होते. मात्र सर्वसाधारण महिला जागेवर परिचारकांच्या नेतृत्वाखालील भाजपा मित्रपक्ष आघाडीच्या वतीने ओबीसी प्रवर्गातील महिला उमेदवार शामल लक्ष्मण शिरसट (पापरकर ) यांना भाजपाकडून उमेदवारी देण्यात आली. त्यामुळे देखील भाजपाच्या शामल पापरकर या नगराध्यक्षपदाच्या उमेदवाराला क्राँसव्होटिंगचा मोठा फटका सहन करावा लागला.
