अक्कलकोट – आपल्या प्रभागातील सर्व सुज्ञ मतदारांसह कुंभार समाजातील मतदारांचे अमुल्य अशा लाभलेल्या मतांमुळे यंदाच्या नगरपरिषद निवडणूकीतही आपणास भरघोस मताधिक्य लाभून आपला विजय साकार झालेला आहे. या माध्यमातून भारतीय जनता पार्टीच्या वतीने लाभलेलं नगरसेवक पद प्रभागातील नागरिकांसाठी समर्पित आहे. या नगरसेवक पदाच्या माध्यमातून आपले कार्य मी आणखीन जोमाने करण्यासाठी मी आपणा सर्वांचे आशिर्वाद घेण्यासाठी आज येथे आलेलो आहे. हे कार्य करीत असताना प्रभागातील प्रत्येकासाठी तसेच कुंभार समाज व प्रभागाच्या सर्वांगीण विकासासाठी आपण कटिबद्ध असल्याचे मनोगत सलग पाचव्या टर्ममध्ये नगरसेवक म्हणून निवडून आलेले येथील प्रभाग क्रमांक ११ ब चे भारतीय जनता पार्टीचे नगरसेवक महेश इंगळे यांनी व्यक्त केले. नुकतेच संपन्न झालेल्या नगरपरिषदेच्या पंचवार्षिक सार्वत्रिक निवडणूकीत भारतीय जनता पार्टीचे उमेदवार महेश इंगळे यांनी प्रभाग क्रमांक ११ ब मधून भरघोस मताधिक्यांनी निवडून आल्यानंतर कुंभार समाजाच्या वतीने महेश इंगळे, प्रथमेश इंगळे यांचा सत्कार सोहळा आयोजित करण्यात आला होता. यावेळी कुंभार समाजाच्या वतीने कुंभार समाज तालुका अध्यक्ष भिमाशंकर कुंभार यांनी नगरसेवक महेश इंगळे, प्रथमेश इंगळे यांचा शाल, श्रीफळ, पुष्पगुच्छ देवून यथोचित सत्कार करण्यात आला. यावेळी महेश इंगळे बोलत होते. प्रारंभी महेश इंगळे, प्रथमेश इंगळे यांनी कुंभार समाज व अक्कलकोट शहरातील आराध्य दैवत श्री चौडेश्वरी देवीचे मनोभावे दर्शन घेतले. यावेळी कुंभार समाज युवा नेता धोंडप्पा कुंभार, समाज कार्यकर्ते सुरेश कुंभार, शरणप्पा कुंभार, विरुपाक्ष कुंभार, शेखर पवार, रामचंद्र कडबंगावकर, राजकुमार कुंभार, गुरुशांत कुंभार, आकाश कुंभार, विशाल कुंभार, सिध्दाराम कुंभार, श्रीशैल कुंभार, निलेश स्वामी, गणपती कुंभार, आनंद कुंभार, विकास कुंभार, अभिषेक कुंभार, गंगाधर कुंभार, अशोक जवळगीकर, वागेश कुंभार, पंडीत कुंभार,
बाळासाहेब एकबोटे, प्रा.शिवशरण अचलेर, सुनिल पवार, संतोष पराणे, अंकूश केत, श्रीशैल गवंडी, दर्शन घाटगे, सागर गोंडाळ, समर्थ स्वामी, आदीत्य गवंडी, धनराज स्वामी, मधुकर सदाफुले, ज्ञानेश्वर भोसले, तुषार मोरे, ओंकार महाडीक, गणेश इंगळे, खाजप्पा झंपले, संतोष जमगे, अरुण शिंदे, रमेश शिंदे, शंकर मलवे, भिमा मिनगले, रवि मलवे आदींसह प्रभागातील मतदार नागरिक मोठ्या संख्येने उपस्थित होते.
फोटो ओळ – कुंभार समाजाच्या वतीने नगरसेवक महेश इंगळे, प्रथमेश इंगळे यांचा शाल, श्रीफळ, पुष्पगुच्छ देवून यथोचित सत्कार करताना कुंभार समाज तालुका अध्यक्ष भिमाशंकर कुंभार व अन्य दिसत आहेत.
