सोलापूर – उत्तर तहसील कार्यालय या ना त्या कारणाने नेहमी चर्चेत आहे. काही दिवसांपूर्वी याच तहसील कार्यालयातील नायब तहसिलदार चंद्रकांत हेडगिरे यांच्यावर अँटी करप्शन ब्युरोने चाळीस हजार रुपयांची लाच घेताना कारवाई केली आहे. प्रहार जनशक्ती शेतकरी पक्षाचे नेते अजित कुलकर्णी यांनी उत्तर सोलापूर तहसील कार्यालय समोर अनोखे आंदोलन करण्यात आले. गळ्यात लिंबू आणि गाजरचा हार घालून थेट तहसीलदार यांचा निषेध करत आंदोलन केले.
सोलापूर शहराला चिटकून असलेले उत्तर तहसील कार्यालयात मोठ्या प्रमाणात भ्रष्टाचार सुरू आहे. एखाद्या कार्यालयात दुसऱ्या क्रमांकाचा अधिकारी लाच घेताना सापडत असेल तर पहिल्या क्रमांकाच्या अधिकाऱ्याची परवानगी असेलच.
उत्तर सोलापूर तहसीलदार कार्यालयात गोरगरीब नागरिकांची शेतकऱ्यांची ससेहोलपट होत आहे, त्यामुळे चौकशी समिती नेमून चौकशी अधिकाऱ्यांनी ताबडतोब उत्तर तहसील कार्यालयातील अधिकाऱ्यांना तात्काळ निलंबित करावे अशी मागणी केली आहे.
