सांगोला – आकांक्षी तालुका कार्यक्रम अंतर्गत नीती आयोग, नवी दिल्लीचे प्रभारी अधिकारी तोशाबा शिंदे यांनी सांगोला तालुक्यास भेट देत सर्व विभागाचे अधिकारी, कर्मचारी यांना आकांक्षीत ब्लॉक निर्देशांक निहाय करावयाच्या प्रगती बाबत मार्गदर्शन केले.
यावेळी जि.प.सोलापूरचे बालकल्याणचे उपमुख्य कार्यकारी अधिकारी प्रसाद मिरकले, सांगोला गटविकास अधिकारी उमेशचंद्र कुलकर्णी, तालुका कृषी अधिकारी दिपाली जाधव, तालुका आरोग्य अधिकारी डॉ.संदीप देवकते, पशुसंवर्धन अधिकारी डॉ.असलम सय्यद, बांधकाम उपअभियंता नकाते, सीडीपीओ अभिजीत मोलानी, उमेद अभियान व्यवस्थापक अवताडे तसेच पंचायत समितीचे आरोग्य विस्तार अधिकारी मिलिंद सावंत, जगन्नाथ टकले, पंचायत विस्तार अधिकारी अमोल तोडकरी, देवानंद पुकळे, अंगणवाडी पर्यवेक्षिका वाघमारे उपस्थित होते.
दरम्यान तालुका भेटी अंतर्गत प्राथमिक आरोग्य केंद्र, घेरडी येथे भेट देऊन आढावा घेत इमारत बांधकाम, स्वच्छता, ओपीडी, आयपीडी, प्रसुती कक्ष, कर्मचारी निवासस्थान, याची पाहणी केली व दुरुस्तीसाठी नीती आयोगाकडे मागणी करण्यासंदर्भात सांगितले. यावेळी वैद्यकीय अधिकारी डॉ.कल्याणी सरवदे, औषध निर्माण अधिकारी खुमन तडवी, आरोग्य सहाय्यक पांडुरंग कोळी, आरोग्य सहायिका सुलताना शेख, माने, आरोग्य सेविका, प्रयोगशाळा वैज्ञानिक अधिकारी करिष्मा जाधव, सोमा मोटे उपस्थित होते. तसेच प्राथमिक शाळा व अंगणवाडी येथील आकांक्षीत निर्देशांका निहाय करावयाच्या प्रगती बाबत मार्गदर्शन केले. उमेद अभियान अंतर्गत सीआरपी महिला बचत गट यांना मार्गदर्शन केले.
अकोला येथील पशुवैद्यकीय दवाखाना येथे भेट देऊन निर्देशांकानुसार करावयाच्या कार्यवाही बाबत मार्गदर्शन केले. प्राथमिक आरोग्य केंद्र येथील वैद्यकीय अधिकारी डॉ.महानवर, डॉ.इनामदार यांनी प्राथमिक आरोग्य केंद्राचा आढावा सादर केला. त्याठिकाणी सोयी सुविधांची पाहणी केली. ओपीडी, आयपीडी, प्रसुती कक्षाची पाहणी केली. याावेळी पंचायत अधिकारी सचिन लंगोटे, उपसरपंच शिंदे व नंदकुमार शिंदे उपस्थित होते. त्यानंतर पंचायत समिती, सांगोला येथे कर्मचाऱ्यांना मार्गदर्शन केले. यावेळी सहा.गटविकास अधिकारी वसंत फुले यांनी आभार मानले.
तोशाबा शिंदे यांनी ग्रामीण रुग्णालय सांगोला या ठिकाणी भेट देऊन ओपीडी, आयपीडी, रुग्णालयातील सर्व इमारती, प्रसुती गृह या कक्षांना भेटी देऊन पाहणी केली. यावेळी डॉ.फुले, डॉ.साळे उपस्थित होत्या.
