पंढरपुर – येथील शहर पोलीसांनी दमदार कामगिरी करीत गेल्या वर्षभरात चोरीस गेलेल्या काही घटना मधील सोन्याचे व चांदीचे दागीने तसेच मोटारसायकली चोरणाऱ्या आरोपींना जेरबंद करुन त्यांच्या कडुन १४ लाख रूपये किंमतीचा मुद्देमाल जप्त करून संबंधित फिर्यादींना परत दिल्याची माहिती येथील शहर पोलीस ठाण्याचे वरिष्ठ पोलीस निरीक्षक विश्वजीत घोडके यांनी दिली.
या चोरीच्या घटना उघडकी बाबतची सविस्तर माहिती देताना घोडके यांनी सांगितले की, पंढरपूर शहर पोलीस ठाणे (१) गु.र.नं.४५७/२०२५ भा.न्या.सं.२०२३ चे कलम ३०३(२) प्रमाणे दाखल गुन्हयामध्ये चोरीस गेलेले एकुण ८ लाख ८१ हजार ७०० रूपये किंमतीचे सोन्याचे दागीने (१० तोळे) व चांदीच्या वस्तु (५०० ग्रॅम) गुन्हयातील आरोपी कडुन जप्त करण्यात आले आहेत.
तसेच (२) पंढरपूर शहर पोलीस ठाणे गु.र.नं. ४८६/२०२५ भा. न्या.सं. २०२३ चे कलम ३०५(अ), ३३१(३), (४) प्रमाणे दाखल गुन्हयातील चोरीस गेलेले एकुण ८२ हजार रुपये किंमतीचे दोन तोळे सोन्याचे दागीने आरोपींकडून जप्त करण्यात आले.
या बरोबरच सन २०२५ अखेर एकुण ३५ मोटार सायकलींचा शोध घेऊन या प्रकरणातील संशयितांना जेरबंद करुन ह्या मोटारसायकलीं संबंधित ज्या त्या फिर्यादीस परत देण्यात आल्याचे सांगितले
दरम्यान सदर चोरीचे गुन्हे उघशडकीस आणणेचे उद्देशाने पोलीस अधिक्षक अतुल कुलकर्णी , अपर पोलीस अधिक्षक प्रितम यावलकर, सहा. पोलीस अधिक्षक प्रशांत डगळे, पंढरपुर विभाग, पंढरपुर यांचे सुचनेनुसार व पंढरपुर शहर पोलीस ठाणेचे वरिष्ठ पोलीस निरीक्षक विश्वजीत घोडके, यांच्या मार्गदर्शनाखाली “गुन्हे प्रकटीकरण” शाखेचे अधिकारी सपोनि आशिष कांबळे व अंमलदार यांची विशेष पथके नेमुन पंढरपुर शहर व परिसरातील त्या ठिकाणचे घटनास्थळ निरीक्षण करून व त्यावर बारकाईने लक्ष ठेवले असता सदरचे आरोपी मिळुन आलेल्या आहेत.
दरम्यान दाखल गुन्हयातील आरोपीतांकडुन चोरीला गेलेले सोन्याचे दागीने व चांदीचे वस्तु असा एकूण ८ लाख ८१ हजार ७००रूपये किंमतीचा मुद्देमाल तसेच ३५ मोटार सायकलचे असे दोन्ही मिळुन एकुण १३ लाख ६३ हजार ५०० रुपयांचा असा मुद्देमाल पंढरपुर शहर पोलीस ठाणेस दाखल असलेल्या गुन्ह्यातील फियादिंना परत देण्यात आलेला आहे.
दरम्यान सदरची कामगीरी ही वरिष्ठांच्या मार्गदर्शनाखाली गुन्हे प्रकटीकरण शाखेचे पोसई राजेश गोसावी, पोह सिरमा गोडसे, पोह विठ्ठल विभुते, पोह प्रसाद औटी, पोह सचिन हेंबाडे, पोना पकाले, पोका कपिल माने, पोशि शहाजी मंडले, पोकॉ बजरंग बिचुकले, पोकॉ दिपक नवले, पोकॉ दिपक नवले, चापोका बडे तसेच सायबर पोलीस ठाणे, सोलापुर ग्रामीण चे पोकॉ रतन जाधव यांनी पार पाडली.
