वाशी – तालुक्यातील पारगाव टोल नाक्यावर कत्तलखान्याकडे जाणारा आयशर टेम्पो क्रमांक M H 23 W 1137 मधून होणारी गुरांची वाहतूक करणाऱ्या आयशर टेम्पो ची माहिती गोरक्षकांनी फोन द्वारे पोलीस विभागाला दिली , पोलिसाच्या सतर्कमुळे पकडण्यात यश मिळाले, बीड जिल्ह्यातील नेकनुर येथील आठवडी जनावर बाजारातून ११ जर्सी गाई, एक बैल व वासरे असा घेउन जाणारा आयशर टेम्पो , पशुधन अंदाजे किंमत ३,७००००/- व आयशर,टेम्पो अंदाजे किंमत ५,०००००/- असा एकूण ८ लाख ७०, हजार रुपयांचा मुद्देमाल, धाराशिव येथील कत्तलखान्याकडे घेऊन जात असताना गोरक्षक यांनी बीट अमलदार बाळासाहेब अवताडे यांना ,वाशी पोलिसठाणे याबाबत सविस्तर माहिती दिली.
पोलीस निरीक्षक शंकर शिंदे यांनी प्राप्त माहितीच्या आधारे कार्यवाही करण्याचे आदेश दिले. त्यानुसार नेकनूर येथील शेख अमीर शेख खैरुद्दीन यास ताब्यात घेतले असून पुढील गुन्हा नोंदविण्याची कार्यवाही वाशी पोलिसात केली.
पुढील तपास पोलीस हेड कॉन्स्टेबल राजु लाटे करीत आहेत. याप्रसंगी पोलीस हेड कॉन्स्टेबल यादव बळीराम, गणेश नरवडे, दुधाळ विजय आदींनी कारवाईत सहभाग घेतला. नंदिनी कृपा गोशाळा शिंगोली येथे पशुधन दाखल केले आहेत. गोरक्षक आणि पोलिसांच्या कारवाईने जर्सी गाईसह बैल आणि वासराला जीवदान मिळाले आहे.
