सोलापूर – इंडियन मॉडेल पॅरेंट्स क्रिकेट लीग-१६ स्पर्धेचे उत्साहात उद्घाटन श्री अरुणोदय मल्टिस्टेट को. ऑप. क्रेडीट सोसायटी लि. प्रायोजित २३मार्च ते ११ एप्रिल २०२६ दरम्यान डॉ. बाबासाहेब आंबेडकर स्टेडियम, रेल्वे मैदान येथे पार पडणार्या इंडियन मॉडेल पॅरेट्स क्रिकेट लीग सिझन-१६ चे उत्साहात उद्घाटन करण्यात आले. या स्पर्धेचे उद्घाटन अतुल कुलकर्णी पोलिस अधिक्षक सोलापूर ग्रामीण , इंडियन मॉडेल स्कूलचे सचिव अमोल जोशी, अचिंत कुमार सेंट्रल बँक ऑफ इंडिया चे रिजनल मॅनेजर , सेंट्रल बँक ऑफ इंडियाचे मॅनेजर रिशू कुमार , सुरेखा काटगांव ,व्यंकेटेश पटवारी स्पर्धा समितीचे अध्यक्ष शरणप्पा पासोडी यांच्या हस्ते उद्घाटन करण्यात आले. आपल्या उद्घाटनपर भाषणात त्यांनी उपस्थित पालक खेळाडूंच्या उत्साहाचे कौतुक व अभिनंदन केले.
या स्पर्धेचे हे १६ वे वर्ष असून १५ संघ १९५ पालक खेळाडू सहभागी आहेत. या स्पर्धा रात्रीच्या प्रकाश झोतात लेदर बॉलवर 12 षटकांमध्ये खेळल्या जातील. उपांत्य फेरीतील व अंतिम फेरीतील सामने 15 षटकांचे राहतील. या स्पर्धेचे प्रमुख आकर्षण विविध रंगातील गणवेश धारण केलेले खेळाडू, एल. ई. डी बेल्स आधुनिक अॅपच्या माध्यमातून स्कोअरिंग ही या स्पर्धेची वैशिष्टये आहेत.
प्रारंभीचा सामना आयएमएस समर्थ ११ विरुद्ध आयएमएस विशाल यांच्या मध्ये झाला आयएमएस समर्थ ११ या संघाने १२ षटकात ४ बाद १२८ धावा केल्या प्रतिउतोरात आयएमएस विशाल संघाने १२ षटकात ६ बाद १०४ धावा केल्या हा सामना आयएमएस समर्थ ११ या संघाने सामना २४ धावांनी जिंकला या सामन्यात सामनावीर इम्तियाज अत्तार यास देण्यात आले. दुसरा सामना आयएमएस शिवशंभू विरुद्ध आयएमएस रॉयल्स यांच्यात झाला आयएमएस शिवशंभू संघाने १२ षटकात ७ बाद ६६ धावा केल्या रॉयल्स या संघाने हा सामना ८.४ षटकात ३ बाद ६९ धावा करुण ७ विकेट ने सामना जिंकला सामनावीर बालाजी बोल्ली यास देण्यात आले.
या स्पर्धेतील विजयी संघास रुपये 15000/- चे पारितोषिक व चषक तसेच उपविजेत्या संघास रुपये 10000/- चे पारितोषिक व चषक, देण्यात येणार आहे. या स्पर्धेतील उत्कृष्ट फलंदाज , उत्कृष्ट गोलंदाज , उत्कृष्ट यष्टीरक्षक व मालिकावीर तसेच प्रत्येक सामन्यातील सामनावीरांना स्मृतिचिन्ह देण्यात येणार आहे. या कार्यक्रमप्रसंगी स्पर्धा आयोजन समिती सदस्य राजकिरण वडनाल, शरणप्पा पासोडी ,प्रितीश कुलकर्णी, अहमद शेख,सुधांशु भालेराव, हाजी तांबोळी, डॉ. सातपुते, राघवेंद्र जोशी, गणेश जाधव , सोनू केसवाणी ,महादेव वरळे,विशाल गायकवाड , शंकर गुरव , अमित काबणे , सुगंधराज कुलकर्णी , अजित डोंगरकर इत्यादी मान्यवर उपस्थित होते. या कार्यक्रमाचे सूत्रसंचालन महादेव वरळे व आभार प्रदर्शन विशाल गायकवाड यांनी केले.
या स्पर्धा यशस्वी करण्याकरिता सचिन ढवाण, अक्षय माने, राजकुमार माने , अजय चाबुकस्वार , प्रमोद म्हेत्रे हे परिश्रम घेत आहेत.
