सोलापूर : भारत हिंदूराष्ट्र म्हणून घोषित व्हावे याकरिता श्रीराम जन्मोत्सव समिती आणि अखिल भारत हिंदू बहुभाषिक पुरोहित संघमतर्फे बुधवारी डॉ. हेडगेवार पटांगण येथे १५१ कुंडीय श्रीराम जनकल्याण यज्ञ भक्तीभावात झाला.
प्रारंभी प्रभू श्रीराम, सीतामाता आणि श्री लक्ष्मण यांच्या मूर्तींची स्थापना आणि पूजन वेणुगोपाल जिल्ला पंतलु यांच्या पौरोहीत्याखाली करण्यात आली. यानंतर १५१ कुंडीय सामूहिक श्रीराम जनकल्याण यज्ञास प्रारंभ झाला. शेकडो भाविकांच्या उपस्थितीत हा होमहवन विधी झाला. होम हवन विधीनंतर श्रीराम सीतामाता आणि श्री लक्ष्मण यांच्या मूर्तींची पारंपारिक वाद्यांसह परिसरातून मिरवणूक काढण्यात आली. यावेळी मूर्तींचे दर्शन घेण्यासाठी रस्त्याच्या दुतर्फा भाविकांनी मोठी गर्दी केली होती. मूर्तींची मिरवणूक पुन्हा डॉ. हेडगेवार पटांगण येथे आल्यानंतर भाविकांना प्रसादाचे वाटप करण्यात आले.
यावेळी महापौर विनायक कोंड्याल, राष्ट्रीय स्वयंसेवक संघाचे जिल्हा संघचालक सी. ए. सुनील इंगळे, निलेश भंडारी, शिवानंद कल्लूरकर, वरिष्ठ पोलीस निरीक्षक शिवाजी राऊत, समितीचे संस्थापक अध्यक्ष संजय साळुंखे, वेणूगोपाल जिल्ला पंतलु, संजय होमकर, अक्षय अंजीखाने, अमर बिराजदार, सागर अतनुरे, यतिराज होनमाने, उत्सव अध्यक्ष रामचंद्र कबाडे, कार्याध्यक्ष महेश जेऊर, उपाध्यक्ष लक्ष्मण सरवदे, सतीश पारेली, नागेश मंजेली, अमर गट्टी, सचिव आनंद शर्मा, मोहन जंगम, पिनू करपे, कल्याण करजगी, पूजा विधिप्रमुख श्रीनिवास जिल्ला पंतलु, सहसचिव चारुदत्त हुलजंतीवाले, प्रसाद भास्कर, विश्वनाथ बदलापुरे, होम हवन प्रमुख शिवराज दासी, धार्मिक विधी प्रमुख प्रविण मुसपेठ, कालिदास काळपगार, महादेव तुम्मा आदी उपस्थित होते.
आज श्री सिताराम कल्याणोत्सव आणि हिंदू शौर्य पुरस्काराचे वितरण
श्रीराम नवमी निमित्त श्रीराम जन्मोत्सव समिती व अखिल भारतीय हिंदू बहुभाषिक पुरोहित संघमतर्फे गुरुवारी सायंकाळी ५.३० वाजता डॉ. हेडगेवार पटांगण येथे श्री सीताराम कल्याणोत्सव होणार असून यानंतर गोरक्षक मिलिंद एकबोटे आणि साध्वी सारिकाजी परमानंद यांना हिंदू शौर्य पुरस्काराने गौरविण्यात येणार आहे. या कार्यक्रमास हिंदू बांधवांनी मोठ्या संख्येने उपस्थित रहावे, असे आवाहन श्रीराम जन्मोत्सव समिती व अखिल भारतीय हिंदू बहुभाषिक पुरोहित संघमतर्फे करण्यात आले आहे.
