धाराशिव – देशाचे पंतप्रधान नरेंद्र मोदी आणि राज्याचे मुख्यमंत्री देवेंद्र फडणवीस यांच्या विकासात्मक दृष्टीकोनामुळे आगामी काही वर्षात दुष्काळी म्हणून ओळखला जाणारा धाराशिव जिल्हा आता विकासाच्या दिशेने वाटचाल करत असल्याचा आशावाद आमदार राणाजगजितसिंह पाटील यांनी व्यक्त केला.
तुळजापूर तालुक्यातील मंगरूळ येथील एकलव्य विद्या संकुलात रविवारी ‘कृतज्ञता गौरव पुरस्कार’ सोहळ्याचे आयोजन करण्यात आले होते. तरुण भारत तर्फे संघ शताब्दी वर्षानिमित्त हा कार्यक्रम पार पडला. या सोहळ्याला विविध क्षेत्रातील मान्यवरांची उपस्थिती लाभली.
उद्घाटनप्रसंगी बोलताना आमदार पाटील म्हणाले की, “समाजातील विविध क्षेत्रांत उल्लेखनीय कार्य करणाऱ्या व्यक्तींना सन्मानित करण्याचा ‘कृतज्ञता गौरव पुरस्कार’ हा उपक्रम सामाजिक जाणीव वाढवणारा आणि प्रेरणादायी आहे. पुरस्कारप्राप्त मान्यवरांचे मनःपूर्वक अभिनंदन करून त्यांच्या पुढील वाटचालीस शुभेच्छा दिल्या. समाजाच्या विविध क्षेत्रांत उल्लेखनीय कार्य करणाऱ्या व्यक्तींमुळेच समाज प्रगतीपथावर जातो, भविष्यातही अशा सेवाभावी आणि प्रेरणादायी कार्याची परंपरा अधिक बळकट होईल, असा विश्वास त्यांनी व्यक्त केला.
यावेळी दै. तरुण भारत समूहाचे संपादक दिलीप पेठे, मुख्य संपादक प्रशांत माने, प्रकाशक दिलीप दुलंगे, मराठवाडा आवृत्ती विभाग प्रमुख राजाराम मस्के,
व्यवस्थापक विनायक पिल्ले, तुळजापूरचे नगराध्यक्ष विनोद गंगणे, नळदुर्गचे नगराध्यक्ष बसवराज धरणे, तालुका संघ चालक अनिल जाधव, पंचायत समिती माजी उपासभापती चित्तरंजन सरडे, मुख्याध्यापक विठ्ठल म्हेत्रे, गणेश पुजारी, अंनत कोंडो, गुलचंद व्यवहारे, बाबा घोंगते, सचिन अमृतराव, सिद्धेश्वर तानवडे यांच्यासह अनेक मान्यवर उपस्थित होते.
कार्यक्रमाचे प्रास्ताविक जिल्हा प्रतिनिधी अनिल आगलावे यांनी केले. सूत्रसंचालन विशाल सूर्यवंशी यांनी तर आभार प्रदर्शन दिनेश सलगरे यांनी केले.
गौरव करण्यात आलेले मानकरी
विनोद गंगणे – नगराध्यक्ष, तुळजापूर
महादेवराव गायकवाड – सेवा प्रकल्प योगदान
चंद्रकांत गडेकर – सेवा प्रकल्प योगदान
गणेश जळके – अ.भा.विद्यार्थी परिषद कार्य
बाळासाहेब शामराज – भाजप संघटन कार्य
महेंद्र कावरे – डॉ. हेडगेवार रक्त संकलन सेवा
गणेश सदाफुले – गोपालन सेवा
व्यंकट सिंदफळे – सेंद्रिय शेती व्यवस्थापन
अश्विनी अनंत कोंडो – भगवद्गीता प्रसार
अंबादास पोफळे – जेष्ठ पत्रकार, तुळजापूर
विशाल सूर्यवंशी – आदर्श शिक्षक व वक्ते
