सोलापूर : शिवी दिल्याचा राग मनात धरून डोक्यात दगड घालून एका वीट भट्टी कामगार तरूणाचा खुन केल्याची खळबळ जनक घटना एमआयडीसी परिसरातील कलावती नगर येथील तेलगू शाळेच्या समोरील मैदानात शनिवारी मध्यरात्री ११.३० ते आज रविवार पहाटे १२.१५ वाजण्याच्या दरम्यान घडली.
दरम्यान खुन करणारा तरूण रविवारी सकाळी १० वाजता स्वत:हुन एमआयडीसी पोलिस ठाण्यात हजर झाला असून त्याला अटक करण्यात आली आहे.
महेश गुरूसिद्धप्पा सावळतोटे (वय २१ रा. सिद्धरामेश्वर नगर ,अक्कलकोट रोड, एमआयडीसी सोलापूर) असे खुन झालेल्या तरूणाचे नाव आहे. तर अटक करण्यात आलेल्या आरोपीचे नाव सोमनाथ नागराज जवळकोटे (वय ३१ रा. शिवलिंग मंगल कार्यालय कलावती नगर) असे आहे.
यातील मयत महेश सावळतोटे घराजवळील एका वीट भट्टीवर कामास होता. शनिवारी रात्री तो रात्री दारू पिऊन तेलगू शाळे जवळील कच्च्या रस्त्यावर पडला होता. सदर वेळी यातील आरोपी सोमनाथ जवळकोटे हा रस्त्याने जात होता. तेव्हां त्याचा पाय महेश सावळतोटे याला लागला, त्यामुळे त्याने त्याला रस्त्यातून उठवण्याचा प्रयत्न केला. तेव्हां महेश याने सोमनाथ याला शिवी दिली, त्यात दोघांमध्ये वाद झाला. एकमेकांना शिवीगाळ करीत दगडही मारले, दरम्यान एकाने मध्यस्थी केली. सोमनाथ जवळकोटे तेथून मैदानात उघड्यावर शौचालयाला गेला. शिवीगाळ झाल्याचा राग मनात धरून महेश हा सोमनाथच्या मागे गेला तेलगू शाळे समोरील मैदानाच्या कंम्पाउंड जवळ गेला. शौचालयाला बसलेल्या सोमनाथ पासुन काही अंतरावर तोही बसला. मात्र, तो पुन्हा शिवीगाळ करू लागला. दोघांमध्ये वाद सुरू झाला दरम्यान शिवी का दिली? असे म्हणत सोमनाथ जवळकोटे याने तेथील दगड उचलून महेश सावळतोटे याच्या डोक्यात घातला. त्यात तो जखमी होऊन जागेवरच मृत्युमुखी पडला. ही घटना दुसऱ्या दिवशी सकाळी उघडकीस आली . दरम्यान ही माहिती समजताच एमआयडीसी पोलीस ठाण्याच्या पोलिसांनी घटनास्थळी भेट देऊन पाहाणी केली. व पंचनामा करून सदरचा मृतदेह येथील शासकीय रुग्णालयात पोलीस हवालदार डि.के. डोके यांनी शवविच्छेदनासाठी सकाळी साडेअकरा वाजता दाखल केला .
दरम्यान याप्रकरणी नागेश गुरूसिद्धप्पा सावळतोटे यांनी फिर्याद दिली असून याबाबत एमआयडीसी पोलीस ठाण्यात खुनाचा गुन्हा दाखल करण्यात आला आहे. अटक करण्यात आलेल्या आरोपीला उद्या सोमवार रोजी येथील न्यायालयात सादर करण्यात येणार असून गुन्ह्याचा पुढील तपास सहाय्यक पोलीस निरीक्षक इंगळे हे करीत आहेत.
