मुंबई : स्कोडा ऑटो फॉक्सवॅगन इंडिया प्रायव्हेट लिमिटेड (एसएव्हीडब्ल्यूआयपीएल)ने आज श्रीलंकेत फॉक्सवॅगन ब्रँडची एन्ट्री जाहीर केली. कॉन्टिनेंटल कार्स अँड कमर्शियल्स लिमिटेड सोबतच्या भागीदारीत हा महत्त्वाचा टप्पा गाठला गेला असून, कंपनीच्या प्रादेशिक वाढीच्या प्रवासाला नवी दिशा मिळाली आहे आणि बाजारपेठेसाठी दीर्घकालीन बांधिलकी अधिक मजबूत झाली आहे.
फॉक्सवॅगन ब्रँड श्रीलंकेत दोन जागतिक स्तरावर प्रशंसित मॉडेल्ससह दाखल होत आहे फॉक्सवॅगन टायगुन एसयूव्ही आणि व्हर्टस सेडान. यामध्ये युरोपियन दर्जाचे प्रॉडक्ट्स, मजबूत सेफ्टी क्रेडेन्शियल्स आणि प्रीमियम मालकीचा अनुभव एकत्रितपणे ग्राहकांना मिळणार आहे. विक्री आणि आफ्टर-सेल्स सर्व्हिसच्या जागतिक दर्जाच्या सपोर्टसह हे मॉडेल्स श्रीलंकेतील ग्राहकांसाठी उपलब्ध होतील. दोन्ही मॉडेल्स एसएव्हीडब्ल्यूआयपीएलच्या पुण्यातील अत्याधुनिक चाकण प्लांटमध्ये तयार केले जातात आणि जगभरातील बाजारपेठेत निर्यात केली जातात. हे कंपनीच्या “मेड इन इंडिया फॉर इंडिया अँड द वर्ल्ड” या धोरणाची ताकद दाखवते आणि भारतातून जागतिक स्तरावर प्रीमियम वाहनांची पुरवठा क्षमता अधोरेखित करते.
या प्रसंगी बोलताना स्कोडा ऑटो फॉक्सवॅगन इंडिया प्रायव्हेट लिमिटेड चे व्यवस्थापकीय संचालक आणि मुख्य कार्यकारी अधिकारी पियुष अरोरा म्हणाले, “श्रीलंका हा ऑटोमोबाईल्सबद्दल प्रचंड आवड असलेला बाजार आहे आणि दर्जेदार इंजिनिअरिंगची खरी कदर करणारा देश आहे. फॉक्सवॅगनची एन्ट्री ही केवळ आमच्या उपस्थितीचा विस्तार नाही, तर भारताबाहेर दीर्घकालीन शाश्वत वाढ साधण्यासाठी आमच्या स्केल, लोकलायझेशन आणि इंजिनिअरिंग क्षमतांचा उपयोग करण्याच्या धोरणाचा भाग आहे. कॉन्टिनेंटल कार्स अँड कमर्शियल्स लिमिटेड सोबत आम्ही टायगुन एसयूव्ही आणि व्हर्टस सेडानसह श्रीलंकेत फॉक्सवॅगन सादर करताना अभिमान वाटतो. आमचा फोकस विश्वासार्हता, ग्राहक-केंद्रितता आणि मजबूत सर्व्हिस सपोर्टसह प्रीमियम मालकीचा अनुभव देण्यावर आहे.”
स्कोडा ऑटो फॉक्सवॅगन इंडिया प्रायव्हेट लिमिटेड चे सेल्स, मार्केटिंग आणि डिजिटल विभागाचे कार्यकारी संचालक जान बुरेस म्हणाले, “टायगुन आणि व्हर्टसद्वारे आम्ही श्रीलंकेतील प्रीमियम पॅसेंजर व्हेईकल मार्केटमधील स्पष्ट ग्राहक पसंतीला प्रतिसाद देत आहोत. आमचा फोकस योग्य प्रॉडक्ट मिक्स, मजबूत रिटेल उपस्थिती आणि विश्वासार्ह आफ्टर-सेल्स अनुभव यावर आहे, ज्यामुळे ग्राहकांना पहिल्या दिवसापासून आत्मविश्वास मिळेल. हे केवळ दक्षिण आशियातील आमचे क्षितिज विस्तारण्याबद्दल नाही, तर दीर्घकालीन शाश्वत वाढीसाठी मजबूत पाया तयार करण्याबद्दल आहे.”
