अक्कलकोट – शिक्षणमहर्षी व दानशूर स्व. चनबसप्पा खेडगी यांनी रुजविलेल्या शिक्षणसेवेच्या वटवृक्षाला दिवंगत चेअरमन स्व. शिवशरण खेडगी यांनी सर्वसामान्य व वंचित घटकांतील विद्यार्थ्यांना शिक्षणाची संधी उपलब्ध करून देत अधिक विस्तार दिला. अक्कलकोट एज्युकेशन सोसायटीची स्थापना करून त्यांनी सीमावर्ती भागातील हजारो विद्यार्थ्यांच्या आयुष्याला नवी दिशा दिली. आज खेडगी परिवार त्यांचा हा वारसा तितक्याच निष्ठेने पुढे नेत आहे ., त्यांचे कार्य समाज व भावी पिढीसाठी प्रेरणादायी आहे, असे गौरवोद्गार माजी खासदार डॉ. जयसिद्धेश्वर शिवाचार्य महास्वामी यांनी काढले.
शुक्रवारी दुपारी अक्कलकोट एज्युकेशन सोसायटीचे दिवंगत चेअरमन स्व. शिवशरण खेडगी यांच्या चौथ्या पुण्यस्मरणानिमित्त चेअरमन बसलिंगप्पा खेडगी मित्र परिवाराच्या वतीने सी. बी. खेडगी इंटरनॅशनल स्कूलच्या सभागृहात आयोजित ‘शिव-शरण अक्कलकोट भूषण’ सन्मान सोहळ्यात ते प्रमुख अतिथी म्हणून बोलत होते. कार्यक्रमाच्या अध्यक्षस्थानी माजी नगराध्यक्षा शोभाताई खेडगी होत्या. व्यासपीठावर श्री बसवलिंग महास्वामीजी,
श्री अभिनव शिवलिंग महास्वामीजी (मादनहिप्परगा), श्री शिवबसव राजेंद्र महास्वामीजी (खेडगी), श्री अभिनव बसवलिंग महास्वामीजी (नागणसूर), श्री प्रभूशांतलिंगेश्वर महास्वामीजी (हत्तीकणबस), संस्थेचे उपाध्यक्षा भारतीताई खेडगी, चेअरमन बसलिंगप्पा खेडगी, सचिव सुभाष धरणे, व्हाइस चेअरमन अशोक हारकूड, संचालक अॅड. अनिल मंगरुळे, चंद्रकांत स्वामी, श्रीशैल भरमशेट्टी, पवित्रा खेडगी, ज्योती धरणे व चन्नवीर खेडगी उपस्थित होते.
प्रारंभी स्व. शिवशरण खेडगी यांच्या प्रतिमेचे पूजन व दीपप्रज्वलन करून कार्यक्रमाची सुरुवात करण्यात आली. प्रास्ताविकात उपप्राचार्या वैदेही वैद्य यांनी स्व. शिवशरण खेडगी यांच्या शैक्षणिक, सामाजिक व धार्मिक कार्याचा आढावा घेतला.
डॉ. जयसिद्धेश्वर शिवाचार्य महास्वामी पुढे म्हणाले की, सन १९६९ मध्ये सीमावर्ती भागात खेडगी परिवाराने सुरू केलेल्या शैक्षणिक चळवळीने आज भव्य स्वरूप धारण केले आहे. विद्यमान चेअरमन बसलिंगप्पा खेडगी यांच्या नेतृत्वाखाली संस्थेने प्रगतीची नवी शिखरे गाठली असून, आज खेडगी शिक्षण संकुलाचे विस्तीर्ण कॅम्पस एका विद्यापीठाची अनुभूती देणारे आहे. स्व. चनबसप्पा खेडगी आणि स्व. शिवशरण खेडगी यांनी केलेले कार्य हे ‘मरावे परी कीर्तिरूपी उरावे’ या उक्तीला सार्थ ठरविणारे असून, त्यांच्या विचारांचा आणि सेवाभावाचा वारसा आजही समाजाला दिशा देत आहे.
या सोहळ्यास तहसीलदार विनायक मगर, पोलीस उपविभागीय अधिकारी राजेंद्र टाकणे, पोलीस निरीक्षक अविनाश पवार, नगरसेवक अविनाश मडिखांबे, प्रमोद कोरे, अप्पासाहेब पाटील, बसवराज माशाळे, मल्लिनाथ स्वामी, जितेश यारोळे, धुळप्पा भजे, रेवणसिद्ध मंगरुळे, माजी प्राचार्य गुरुशांत हारकूड, एम. ए. शेख, डॉ. किसन झिपरे, आनंद खजुरगीकर, शशिकांत बकरे, सुधीर माळशेट्टी, मल्लेशप्पा गोरे, सुरेश उंबराणीकर, चिदानंद कुंभार, चंद्रकांत पडणूरे, विक्रांत अळ्ळोळी, नागेश कोनापूरे, कालिदास कोळी, कल्याणी खेडगी यांच्यासह विविध क्षेत्रांतील मान्यवर मोठ्या संख्येने उपस्थित होते.
कार्यक्रमाचे सूत्रसंचालन डॉ. लता हिंडोळे, प्रा. वर्षाराणी हत्ताळी आणि प्रा. प्रकाश सुरवसे यांनी केले. प्रभारी प्राचार्य डॉ. अंकुश शिंदे यांनी उपस्थितांचे आभार मानले.
चौकट —
*यांचा झाला सन्मान*
खेडगी परिवाराने आयोजित केलेल्या या सन्मान सोहळ्यात डॉ. योगेश वेळापूरकर (आरोग्य), डॉ. शिवराया अडवीतोट व एम. बी. पाटील (शिक्षण), संतोष बिराजदार (प्रशासकीय), सुरेश डिग्गे (समाजकारण), मेजर अनिल हत्ते (संरक्षण), वनिता तंबाके (बचत गट), विद्याधर गुरव (उद्योग व्यवसाय), शशिकांत हत्तुरे (कृषी), शशिकांत स्वामी (बँकिंग), अश्पाक मोमीन (पोलीस), भीमाशंकर कुंभार (उद्योजक) आणि खेडगी महाविद्यालयातील प्रा. जयश्री बिराजदार, प्रा. नीलप्पा भरमशेट्टी, प्रशासकीय सुहास होटकर, शिक्षकेतर कर्मचारी बाबूराव बोलदे या आदर्श व्यक्तींचा व दहावी, बारावी, पदवी, पदव्युत्तर व पोलिस, आर्मी भरती झालेल्या गुणवंत विद्यार्थ्यांचा स्मृती चिन्ह, शाल, पुष्पहार व श्रीफळ देऊन गौरविण्यात आले.
