माळशिरस – श्री संत ज्ञानेश्वर महाराज यांचा पालखी सोहळ्याचे आज रविवार दिनांक १९ रोजी सोलापूर जिल्ह्यातील धर्मपुरी येथे आगमन होणार आहे .संत तुकाराम महाराज यांच्या पालखी सोहळ्याचे दिनांक २० रोजी अकलूज येथे आगमन होणार आहे .त्या अनुषंगाने प्रशासनाने संबधित ग्रामपंचायतीने जोरदार तयारी केली आहे .याची पाहणी जिल्हयाचे पालकमंत्री जयकुमार गोरे यांनी धर्मपुरी पंढरपूर पर्यत आज शनिवारी केली. यावेळी जिल्हाधिकारी एस कार्तिकेन. मुख्य कार्यकारी अधिकारी कुशल जैन . प्रांताधिकारी विजया पांगारकर, पानीवचे प्रकाश पाटील ,नगराध्यक्ष रघुनाथ चव्हाण ,माजी नगराध्यक्ष डॉ . आप्पासाहेब देशमुख,माजी नगराध्यक्ष विजय देशमुख, मुख्याधिकारी सुमित जाधव .व इतर अधिकारी उपस्थित होते
पाच रिंगण सोहळे
माऊलीच्या पालखीचे सदाशिवनगर पुरंदावडे येथे पालखीचे गोल रिंगण, खुडूस येथे रिंगण व ठाकूर बुवा येथे उभे रिंगण होणार आहे. श्री संत तुकाराम महाराज यांच्या पालखीचे अकलूज येथे गोल रिंगण व माळीनगर येथे उभे रिंगण आहे.
ग्रामपंचायतीच्या वतीने सर्व कामे पूर्ण केली आहेत.
स्वागत कमानी
पालखीच्या स्वागतासाठी प्रत्येक ठिकाणी स्वागत कमानी व स्वागत मंडप यांची उभारणी करण्यात येणार आहे तसेच प्रत्येक ठिकाणी वारकरी सुविधा केंद्र. ए ओ सी सेंटर, आरोग्य तपासणी केंद्र, हिरकणी कक्ष, मसाज सेंटर इत्यादी सुविधा पुरविण्यात येणार आहेत .
जर्मन हँगर मंडप, वॉटरप्रूफ मंडप
जिल्हा प्रशासनाच्या वतीने पालखी मुक्कामाच्या ठिकाणी बोरगाव, सदाशिवनगर, वेळापूर, येथे जर्मन हँगर मंडप उभारले जाणार आहेत. तसेच वॉटरप्रूफ मंडप उभारले जाणार आहेत. गावोगावी वारकऱ्यांसाठी आंघोळीची सोय स्नानगृहे तसेच शौचालय उभारण्यात येणार असून पाणीपुरवठ्यासाठी टँकरची सोय करण्यात आली आहे. सदर टँकर टँकर फीडिंग पॉईंट वर भरले जाणार आहेत.
विद्युत रोषणाई
मुक्कामाच्या ठिकाणी विद्युत रोषणाई व मोठ्या प्रमाणात प्रकाश व्यवस्था करण्यात येणार आहे.
आरोग्य विभाग
दोन्ही पालखी सोहळ्यासाठी तालुक्याचा आरोग्य विभाग सज्ज.. तालुका आरोग्य अधिकारी भाऊसाहेब जानकर.
माळशिरस तालुक्यात अकलुज येथे उप जिल्हा रुग्णालय व माळशिरस व नातेपुते येथे ग्रामीण रुग्णालय आहेत. एकुण प्राथमिक आरोग्य केंद्र १२ आहेत. पालखी सोहळ्यासाठी आरोग्य सल्ला व उपचार केंद्र ४६, रुग्णवाहीका १७, १०८ रुग्नवाहीका प्रत्येक मुक्कामी ४, पाणी स्त्रोताची संख्या ७४४, पाणी टँकर भरण्याची ठिकाणे ४३,असून टी. सी. एल. बॅग ५७० ,वैद्यकीय अधिकारी, २६, वैधकीय अधिकारी, प्रतिनियुक्तीवर १०, आरोग्य सहाय्यक २०, आरोग्य सहाय्यक, प्रतिनियुक्तीवर १० ,आरोग्य सेवक ६६ ,आरोग्य सेवक, प्रतिनियुक्तीवर १२०, वॉकी टॉर्की सेट 6, एकुण कर्मचारी , ७९८,आरोग्य दुत २५, पालखी मार्गावरील खाजगी हॉस्पिटल १५०,पाणी नमुने कर्मचारी १२०,असे नियोजन करण्यात आले आहे.
पाण्याचे टॅंकर
संत श्रेष्ठ ज्ञानेश्वर महाराज व संत तुकाराम महाराज व सोपानकाका महाराज पालखी सोहळ्यासाठी ६१ टॅकर उपलब्ध,
माळशिरस पंचायत समितीच्या ग्रामीण पाणी पुरवठा विभागामार्फत या दोन्ही पालखी सोहळ्यासाठी ६१ पाण्याच्या टँकरची व्यवस्था करण्यात आली आहे .संत ज्ञानेश्वर महाराज पालखी सोहळ्यातील टँकरला पाणीपुरवठा भरण्यासाठी ३२ टँकर उपलब्ध करण्यात आले आहेत धर्मपुरी मोरोची नातेपुते माळशिरस निमगाव वेळापूर अशा सहा ठिकाणी 3 बोअर व ४२ विहीरी निश्चित करण्यात आल्या आहेत. तर संत श्रेष्ठ तुकाराम महाराज पालखी सोहळ्यातील टँकरला पाणीपुरवठा करण्यासाठी चौंडेश्वरवाडी माळेवाडी यशवंत नगर महाळुंग बोरगाव खळवे अशा ठिकाणी सहाबोर व आठ विहिरी निश्चित करण्यात आलेल्या आहेत..
