मुंबई : भारतातील प्रमुख क्रिप्टो एक्सचेंज असलेल्या कॉईनडीसीएक्सने आपल्या ‘दैनिक एसआयपी’ सुविधेची घोषणा केली आहे. कंपनीच्या आधीपासूनच लोकप्रिय असलेल्या मासिक एसआयपी सुविधेचा हा एक नवीन विस्तार असून, याद्वारे वापरकर्त्यांना आता दररोज अवघ्या १०० रुपयांपासून क्रिप्टोमध्ये गुंतवणूक करता येईल. ही नवीन सुविधा गुंतवणूक प्रक्रियेस सोपी, स्वयंचलित आणि सहज ठेवण्यासोबतच, दीर्घकालीन गुंतवणुकीसाठी अधिक नियमितता प्रदान करते.
याव्यतिरिक्त, कॉईनडीसीएक्सने एक्सआयआरआर ट्रॅकिंग देखील सुरू केले आहे. हे उद्योग क्षेत्रातील एक मानक मूल्य आहे, जे आवर्ती (रिकरिंग) गुंतवणुकीतून मिळणाऱ्या वार्षिक परताव्याचे अचूक चित्र मांडते आणि वेळेनुसार पोर्टफोलिओच्या कामगिरीचे योग्य मूल्यमापन करण्यास वापरकर्त्यांना मदत करते.
या सुधारणेबाबत बोलताना, कॉईनडीसीएक्सचे एक्झिक्युटिव्ह व्हीपी – ग्रोथ अँड क्रिप्टो बिझनेस हेड, मिनाल ठुकराल म्हणाले, “एसआयपी हे कॉईनडीसीएक्स वरील सर्वात लोकप्रिय गुंतवणूक उत्पादनांपैकी एक राहिले आहे आणि दैनिक तसेच मासिक स्तरावर गुंतवणूक करण्याची सुविधा उपलब्ध करून देणे ही आमच्या वापरकर्त्यांकडून वारंवार केली जाणारी मागणी होती. ‘एसआयपी २.०’ च्या माध्यमातून आम्ही असा एक अनुभव तयार केला आहे जो लोक प्रत्यक्षात कशी गुंतवणूक करतात यावर आधारित आहे, बाजाराच्या चक्रांवर नाही. दैनिक, साप्ताहिक किंवा मासिक, कोणत्याही स्वरूपात गुंतवणूक करणे पसंत असले, तरीही वापरकर्त्यांना त्यांच्या आर्थिक दिनचर्येला साजेशी आणि अनुशासित गुंतवणुकीची सवय लावण्यासाठी पूर्ण लवचिकता मिळते.”
ते पुढे म्हणाले, “अनेक गुंतवणूकदार दीर्घकाळासाठी क्रिप्टो क्षेत्रात सहभागी होऊ इच्छितात, परंतु बाजारातील अस्थिरता किंवा गुंतवणुकीची ‘योग्य वेळ’ शोधण्याच्या दबावामुळे ते अनेकदा मागे हटतात. एसआयपी २.० ही हीच अडचण दूर करण्यासाठी डिझाइन केली गेली आहे. अवघ्या १०० रुपयांपासून सुरू होणाऱ्या लवचिक गुंतवणूक पर्यायांसह, आम्ही एक्सआयआरआर-आधारित परफॉर्मन्स ट्रॅकिंग सादर केले आहे, ज्यामुळे वापरकर्त्यांना त्यांच्या नियमित गुंतवणुकीच्या कामगिरीची पारदर्शक माहिती मिळते. आमचे ध्येय दीर्घकालीन क्रिप्टो गुंतवणूक अधिक सुलभ, सर्वांपर्यंत पोहोचणारी आणि बाजाराच्या वेळेपेक्षा सातत्यावर आधारित बनवणे हे आहे.”
एकरकमी गुंतवणूक करण्याऐवजी वेळेनुसार खरेदीचा सरासरी खर्च संतुलित राखण्यावर गुंतवणूकदारांचा भर असल्याने, विविध मालमत्ता वर्गांमध्ये पद्धतशीर गुंतवणूक दिवसेंदिवस अधिक लोकप्रिय होत आहे.
