मंगळवेढा – डोणज गावात एका 15 वर्षीय अल्पवयीन मुलीने घरातील सिलिंग फॅनला गळफास लावून आत्महत्या केल्याची धक्कादायक घटना घडली आसुन याची पाेलीसात नाेंद झाली आहे.
मिळालेल्या माहितीनुसार, डोणज येथील रहिवासी नबिलाल इमाम मुलाणी वय 43 यांची मुलगी अल्फिया नबिलाल मुलाणी वय 15 ही इयत्ता 10वी मध्ये शिकत होती.दि.३० आँगस्ट राेजी दुपारी 01:42 च्या सुमारास घरातील बेडरूममध्ये तिने दोरीच्या साहाय्याने सिलिंग फॅनला गळफास लावून घेतला.
कुटुंबियांना ही बाब लक्षात येताच त्यांनी तातडीने तिला उपचारासाठी मंगळवेढा येथील खाजगी हॉस्पिटलमध्ये दाखल केले. मात्र डॉक्टरांनी तपासून तिला उपचारापूर्वीच मयत घोषित केले.
घटनेचे नेमके कारण अद्याप समजू शकलेले नाही. या प्रकरणी मयत अल्फियाचे वडील नबिलाल मुलाणी यांनी दिलेल्या खबरीवरून मंगळवेढा पोलीस ठाण्यात अकस्मात मयताची नोंद करण्यात आली आहे .दरम्यान
या घटनेने डोणज गावात हळहळ व्यक्त केली जात आहे. अल्पवयीन मुलीने टोकाचे पाऊल का उचलले याचा तपास पोलीस करत आहेत.
