इंडियन प्रीमियर लीग (आयपीएल ) २०२४ चे आता प्ले ऑफचे निर्णायक सामन्यांना सुरवात झाली सून आता क्वालिफायर २ सामना हा राजस्थान रॉयल्स आणि सनरायझर हैदराबाद या संघात रंगणार आहे. एलिमिनेटर सामना रॉयल चॅलेंजर्स बेंगळुरू आणि राजस्थान रॉयल्स संघात रंगला तर या सामन्यात राजस्थान संघाला यश मिळाले.
रॉयल चॅलेंजर्स बेंगळुरू संघाने चेन्नई सुपर किंग्ज या संघाचा पराभव करून प्ले ऑफच्या शेवटच्या स्थानावर आपली मक्तेदारी सांगितली होती, परंतु ही मक्तेदारी जास्त काळ टिकली नाही आणि आरसीबी संघाला यावर्षीही कप उचलता आला नाही. प्ले ऑफ मधून जरी सीएसके संघ बाहेर पडला असला तरी संघाबाबत किंवा खेळाडूंबाबत चर्चा अजूनही सुरूच आहे.
या हंगामात धोनीच्या फलंदाजीने सगळ्यांना आश्चर्यचकित केले, त्याच्या फलंदाजीने त्याने अनेक गगनचुंबी षटकार ठोकले. त्याच्या फिटनेसचे या हंगामात खूपच कौतुक झाले असले तरी धोनीचा हा शेवटचा हंगाम असल्याची चर्चा सुद्धा या हंगामात अनेकदा रंगली. अनेकांनी त्याच्या निवृत्तीबद्दल भाष्य केले पण अजून धोनीने यासंदर्भात कोणताच खुलासा केलेला नाही. याच पार्श्ववभूमीवर आता धोनीची एक फेसबुक पोस्ट फार गाजत आहे.
धोनी फेसबुकच्या त्या पोस्टने वेधले लक्ष
धोनीने त्याच्या फेसबुकवर एक पोस्ट टाकली आहे, त्यामध्ये तो म्हणाला आहे की, ” झेप घेण्याची वेळ आली, जे महत्वाच काम आहे ते करण्याची वेळ आली आहे, स्वतःची टीम सुरु करत आहे”. तर त्याच्या या पोस्टने लक्षवेधून घेतले असून चाहत्यांमध्ये या पोस्टवरून खूपच चर्चा होताना दिसते. संबंधित पोस्ट ही एक जाहिरातीचा भाग असल्याचे दिसत आहे. तर धोनील नेमकं या पोस्टमधून काय म्हण्याचे आहे याकडे चाहत्यांचे लक्ष लागून आहे.
धोनी लवकरच उपचारासाठी लंडन गाठणार असल्याच्या चर्चा होत आहे कारण, गुडघ्याची त्याची दुखापत या हंगामात सुद्धा दिसून आली आणि त्यामुळे तो कमी कालावधीसाठी मैदानात उतरायचा. ”त्याच्या या दुखापतीचा त्याच्या खेळावर कुठेच परिणाम होताना दिसले नाही कारण हा हंगाम तो चाहत्यांसाठी खेळाला असल्याचे सीएसकेच्या प्रशिक्षकानांनी सांगितले”.
