सोलापूर : वंचित, निराधार आणि गरजू बांधवांच्या आयुष्यात आनंदाची ज्योत पेटविण्याचे हृदयस्पर्शी कार्य आस्था फाउंडेशन संचलित आस्था रोटी बँक, सोलापूर यांच्या वतीने करण्यात आले. ‘यंदाची दिवाळी… माणुसकीची दिवाळी!’ या संकल्पनेतून तब्बल १,४०० गरजू व्यक्तींना साड्या, नवीन कपडे, ड्रेस आणि दिवाळी फराळाचे वाटप करून माणुसकीचा अनोखा दीपोत्सव साजरा करण्यात आला.
या कार्यक्रमासाठी शिवव्याख्याते डॉ. शिवरत्न शेटे, बार असोसिएशनचे अध्यक्ष अॅड. संतोष पाटील, समाजसेवक गुरूशांत धूत्तगावकर, पत्रकार विक्रम खेलबुले (अध्यक्ष), उद्योगपती प्रकाशकुमार लालचंद बगरेच, उद्योजिका मीरा देसाई, मारवाडी युवा मंच महिला मिडटाऊनच्या अध्यक्षा निशा प्रमोद होलानी, राजू हौशेट्टी, अॅड. अवधूत डावरे, कांचन हिरेमठ, अमित कांबळे आणि चंचला खरात यांची प्रमुख उपस्थिती होती.
कार्यक्रमाचे सूत्रसंचालन छाया गंगणे यांनी केले, आस्था रोटी बँकेच्या कार्याची माहिती शैलजा ससाणे यांनी दिली, तर आभार प्रदर्शन विनोद भोसले यांनी केले.
