कुर्डूवाडी – आदर्श शिक्षक पुरस्कार हा ज्या शिक्षकांना मिळाला आहे,त्यांच्या कामाचे फळ आहे,भविष्यात त्यांच्या हातून उज्ज्वल काम व्हावे, प्राथमिक शिक्षकांचे कार्य यशस्वी व्हावे, गोरगरीब लोकांच्या मुलांसाठी काम आपल्या हातून व्हावे असे प्रतिपादन सभापती पंडित देशमुख यांनी कुर्डूवाडी येथील कार्यक्रमात केले.ते शिक्षक पुरस्कार सोहळ्याच्या अध्यक्षस्थानी होते.
कुर्डूवाडी पंचायत समितीच्या शिक्षण विभागाच्या वतीने सोमवारी सायंकाळी चार वाजता तालुकास्तरीय आदर्श शिक्षक पुरस्कार वितरण सोहळ्याचे आयोजन करण्यात आले होते.प्रथम सावित्रीबाई फुले व डॉ.सर्वपल्ली राधाकृष्णन यांच्या प्रतिमेचे पूजन मान्यवरांच्या हस्ते करून कार्यक्रमाची सुरुवात करण्यात आली.यावेळी व्यासपीठावर आ.अभिजीत पाटील,माजी सभापती विक्रमसिंह शिंदे,माजी समाजकल्याण सभापती शिवाजी कांबळे,उपसभापती स्वाती गिड्डे,जि.प.सदस्य अण्णासाहेब ढाणे,जि.प.सदस्या सविता कोकाटे, गटशिक्षणाधिकारी विकास यादव,पं.स.सदस्या सोनाली माळी,प्रा.आशिष रजपूत,प्रतिभा खरात,प्रा.नितीन झाडबुके, बिभीषण डांगे, नगरसेवक रेश्मा लंकेश्वर,डीसीसीचे माजी संचालक विलासराव देशमुख,उल्हास राऊत,नितीन कापसे,बालाजी पाटील,दिगंबर माळी,योगेश दळवे,सरपंच हनुमंत गिड्डे आदी मान्यवर उपस्थित होते.
यावेळी आ.अभिजीत पाटील यांनी बोलताना सांगितले की शिक्षकांमुळे सर्वसामान्य नागरिकांच्या मुलांचा कर्तुत्वाचा आलेख वाढत चालला आहे.सध्या शिक्षकांना सरकारकडील काम अधिकचे आहे,शिक्षण सोडून ईतर काम करून घेतात,त्याबाबत विधानसभेत प्रश्न मांडले आहेत,तरीही गुणवत्ता वाढविण्याचे काम शिक्षकांचे आहे. विधानसभेचे कामकाज दाखविण्याचे काम यंदा या मी केले,ते येथील इतिहासात कधी झाले नव्हते.आता आदर्श शिक्षक म्हणून तुमची जबाबदारी वाढली आहे, त्यामुळे सामाजिक जबाबदारी वाढली आहे, तेही आयुष्यभर जपाल अशी अपेक्षा व्यक्त करत तुमच्यात कल्पकता आली पाहिजे,ती पुढील काळात आणाल अशी अपेक्षा त्यांनी व्यक्त केली
कार्यक्रमाच्या शेवटी आदर्श शिक्षक पुरस्कार वितरण करण्यात आला.सूत्रसंचालन अतुल देशमुख व अनिल क्षीरसागर यांनी केले.
आदर्श शिक्षक पुरस्कारप्राप्त शिक्षक-आशा डावरे, हरी माने, मनीषा लोंढे,अंकुश गवळी,वर्षाराणी शिराळ, सविता तरकसवंद,ताई चव्हाण,मेघा कोंडूभैरी,शिवदास कुबेर,प्रफुल्ल गायकवाड,जयश्री वायाळ, रामचंद्र लोकरे,पांडुरंग माळी,शरद रेपाळ,हनुमंत इंगळे, किशोरकुमार आडकर,प्रदीप जाधव,स्वाती राजगुरू,संपत लेंढवे,विद्या भानवसे,सोमनाथ शिंदे.
दोन्ही आमदारांना शिक्षण विभागाचे विशेष आमंत्रण—
माढा व करमाळा विधानसभा मतदार संघाची रचना बदलल्यापासुन यावर्षी प्रथमच दोन्ही मतदार संघाचे आमदार एका पक्षाचे तर पंचायत समितीवर सत्ता दुस-यांची अशी परिस्थीती आहे.माढा पंचायत समितीवर भाजपा व राष्टृवादी अजीत पवार गटाची सत्ता आहे.माजी आ.संजयमामा शिंदे व जिल्हा दुध संघाचे चेअरमन रणजितसिंह शिंदे यांची सत्ता आहे.आजपर्यंत एकदाही शिक्षण विभागाने विरोधी आमदारांना कार्यक्रमाला निमंत्रीत केले नव्हते. मात्र यावर्षी शिक्षण विभागाने करमाळा व माढाच्या दोन्ही आमदारांना विशेष आमंत्रण देण्यात आले होते.त्यामुळे माढ्याचे आ.अभिजीत पाटील प्रमुख पाहुणे म्हणून व्यासपिठावर विराजमान झाले.आमदार येताच अनेकांच्या भूवया उंचावल्या.
