सोलापूर : प्रा. सुहास गोविंदराव कुलकर्णी यांना पुण्यश्लोक अहिल्यादेवी होळकर सोलापूर विद्यापीठाची संगणक शास्त्र या विषयातील विद्यावाचस्पती म्हणजेच पीएचडी ही पदवी जाहीर करण्यात आली. विद्यापीठातील स्कूल ऑफ कम्प्युटेशनल सायन्सेस चे संचालक डॉ. आर एस मेंते यांच्या मार्गदर्शनाखाली प्रा. सुहास कुलकर्णी यांनी ‘एन इंटेलिजंट अप्रोच फॉर लिव्हर इमेज सेगमेंटेशन टू डिटेक्ट लिव्हर कॅन्सर’ या विषयावर शोध प्रबंध सादर केला.
या संशोधनाचा वापर लिव्हर कॅन्सर शोधणे व त्याची उपचार पद्धती यामध्ये उपयोगी होऊ शकेल. दोन वेळा विद्यापीठस्तरीय अविष्कार स्पर्धेचे पारितोषिक तसेच डिझाईन पेटंट व कॉपीराईट यासह उत्कृष्ट शोधनिबंध पारितोषिकही प्रा. सुहास कुलकर्णी यांना मिळालेले आहे. त्यांच्या या यशाबद्दल विद्यापीठातील सर्व मान्यवर, मार्गदर्शक डॉ. आर एस मेंते, तसेच संगणकशास्त्र संकुलातील डॉ. ए. आर. शिंदे, डॉ. जे. डी. माशाळे, डॉ. एस. डी. राऊत, डॉ. सी. जी. गार्डी, डॉ. बी. डी. चेंडगे व डॉ. सोमशेखर आळंद यांनी अभिनंदन केले.
प्रा. कुलकर्णी हे सोलापुरातील मंगळवेढेकर इन्स्टिट्यूट ऑफ मॅनेजमेंट येथे कार्यरत असून तेथील संस्थेचे नियामक मंडळ सदस्य प्रा. सुरेश मंकणी, प्राचार्य डॉ. ओ.एम. अष्टणकर व सर्व कर्मचाऱ्यांनी त्यांचे अभिनंदन केले. समाजातील सर्व स्तरातून प्रा. कुलकर्णी यांच्यावर कौतुकाचा व अभिनंदनाचा वर्षाव होत आहे.
