मंगळवेढा – संत चोखोबा शिक्षण प्रसारक मंडळ, हुन्नूर संचलित प्राथमिक व माध्यमिक आश्रमशाळेच्या विद्यार्थ्यांनी तालुकास्तरीय कुस्ती स्पर्धेत दमदार कामगिरी करत शाळेचे नाव उज्ज्वल केले. स्पर्धेतील 16 खेळाडूंची जिल्हास्तरीय स्पर्धेसाठी निवड झाली आहे.
14 वर्षांखालील मुलींच्या 54 किलो वजनगटात दिसावरी दत्तात्रय चव्हाण हिने प्रथम क्रमांक मिळवत विशेष कामगिरी केली. तसेच 30 किलो गटात रंजना सत्यपा कोळेकर, 36 किलो गटात प्राची ज्ञानू भुसनर, 39 किलो गटात कल्याणी दत्तात्रय वाघमारे आणि 50 किलो गटात अंकिता तुकाराम चौगुले यांची निवड झाली.
17 वर्षांखालील मुलींमध्ये 40 किलो गटात दीक्षा ज्ञानू भुसनर, 46 किलो गटात शुभांगी रायप्पा धुलगुडे, 49 किलो गटात अमृता रेवाप्पा पुजारी आणि 61 किलो गटात दीक्षा अनिल चव्हाण यांनी जिल्हास्तरीय स्पर्धेसाठी पात्रता मिळवली.
19 वर्षांखालील मुलींमध्ये 50 किलो गटात प्रगती बाळू आमुंगे, 53 किलो गटात श्रावणी विलास धुलगुडे, 55 किलो गटात मोनाली ज्ञानेेशर लवटे, 57 किलो गटात अंजली देवराज पुजारी आणि 59 किलो गटात स्वामिनी सुभाष बोरकर यांची निवड झाली.
17 वर्षांखालील मुलांच्या गटात 92 किलो वजनगटात समर्थ केराप्पा जगताप आणि 110 किलो वजनगटात सूरज अनिल पवार यांनी जिल्हास्तरीय स्पर्धेत स्थान मिळवले.
या खेळाडूंना शिवाजी काशीद,संग्राम दुघाळ आणि महादेव चौंडे यांचे मार्गदर्शन लाभले. विद्यार्थ्यांच्या या यशाबद्दल संस्थेचे मार्गदर्शक प्रशांत साळे व तसेच पदाधिकारी,शिक्षक व पालकांनी सर्व खेळाडूंचे अभिनंदन केले असून, आगामी जिल्हास्तरीय स्पर्धेसाठी शुभेच्छा दिल्या.
