बार्शी – यशोदा शिक्षण प्रसारक मंडळ संचलित सोजर कॉलेज ऑफ फार्मसी येथे कॅम्पस ड्राईव्हचे आयोजन करण्यात आले होते. हा उपक्रम माइंड वर्क टेक्नॉलॉजी प्रायव्हेट लिमिटेड यांच्या सहकार्याने पार पडला.
या कॅम्पस ड्राइव्हमध्ये डी. फार्मसी व बी. फार्मसीच्या विद्यार्थ्यांनी उत्साहाने सहभाग नोंदवला. विद्यार्थ्यांसाठी ही एक महत्त्वाची संधी ठरली, ज्यामध्ये त्यांच्या शैक्षणिक ज्ञानाचे व्यावसायिक कौशल्यात रुपांतर करण्याची दिशा मिळाली.
या उपक्रमात एकूण ३५ विद्यार्थ्यांची मेडिकल सामरायझेशन जॉब प्रोफाइलकरिता निवड करण्यात आली, ही महाविद्यालयाकरिता अत्यंत अभिमानाची बाब आहे. निवड झालेल्या विद्यार्थ्यांनी आपल्या गुणवत्तेचे व कौशल्याचे उत्कृष्ट प्रदर्शन केले.
महाविद्यालयाचे प्राचार्य डॉ. सुजित करपे यांनी विद्यार्थ्यांना मार्गदर्शन केले व त्यांना पुढील वाटचालीसाठी शुभेच्छा दिल्या.
तसेच प्रशिक्षण व प्लेसमेंट अधिकारी प्रा. अजय साळवी यांच्या अथक प्रयत्नांमुळे हा उपक्रम यशस्वीरित्या पार पडला. हा कार्यक्रम यशस्वीरित्या पार पाडण्याकरता प्रा. डॉ. शिवाजी पाटील, प्रा. डॉ. सागर कांबळे तसेच तांत्रिकी सहाय्यक म्हणून अक्षय रिकीबे व ग्रंथपाल आसिफ आतार यांचे मोलाचे सहकार्य लाभले. सदर उपक्रमाचे सूत्रसंचालन प्रा. डॉ. शिवाजी पाटील व आभार प्रदर्शन अंतिम वर्ष बी फार्मसी मधील विद्यार्थिनी कुमारी स्नेहल तोगे यांनी केले.
या कॅम्पस ड्राइव्हमुळे विद्यार्थ्यांना केवळ नोकरीच्या संधीच उपलब्ध झाल्या नाहीत, तर त्यांना व्यावसायिक क्षेत्रातील अनुभव, आत्मविश्वास आणि प्रेरणा देखील मिळाली.
महाविद्यालयाच्या या यशस्वी उपक्रमामुळे परिसरात शैक्षणिक व औद्योगिक क्षेत्रात एक सकारात्मक संदेश पोहोचला आहे.
महाविद्यालयास मिळालेल्या घवघवीत यशाबद्दल संसाध्यक्ष श्री. अरुणदादा बारबोले, सचिवा सौ. कल्पनाताई) बारबोले, प्राचार्य डॉ. सुजित करपे यांनी सर्व शिक्षक, शिक्षकेतर कर्मचारी व सहभागी विद्यार्थी यांचे कौतुक केले व महाविद्यालयाच्या पुढील वाटचालीस शुभेच्छा दिल्या.
