अक्कलकोट – शेगाव शिर्डी पंढरपुर तुळजापुर नंतर अक्कलकोट तीर्थक्षेत्र महाराष्ट्रातील टॉप फाईव्ह मध्ये गणले जाणारे तीर्थक्षेत्र बनले आहे . अक्कलकोट तीर्थक्षेत्र सर्वाधिक गर्दीचे तीर्थक्षेत्र म्हणून ख्याती होत आहे . तीर्थक्षेत्री विक्रमी रेकॉर्ड ब्रेक विक्रमी भाविकांची व वाहनांची गर्दी होत आहे . वटवृक्ष मंदिर परिसरात जिकड पहाव तिकडे वाहनांची प्रचंड संख्या पहावयास मिळत आहे . सध्या अक्कलकोट तीर्थक्षेत्री होणारी गर्दी पाहता शहरातील सर्वच रस्त्या चे रुंदीकरण करणे गरजेचे बनले आहे . अन्यथा भविष्यात वाढत जाणारी गर्दी अनेक समस्या ‘आपत्ती निर्माण करणारी ‘ जीवाघेणी ठरण्याची शक्यता नाकारता येत नाही
अक्कलकोट तीर्थक्षेत्रातील मंदिरे अद्याप गत्ली बोळातच आहेत मंदिरा जवळ येऊन नव्या भाविकानां मंदिर कुठे आहे अशी विचारणा करावी लागते .. अक्कलकोट तीर्थक्षेत्री येणारा भाविकाचा प्रचंड ओघ गर्दीचा चढता आलेख पाहता पुढील ५० वर्षाचे नियोजन दृष्ठीने प्रामुख्याने अरुंद रस्ते पालखी मार्ग तातडीने रुंदीकरण करणे गरजेचे बनले आहे .
अक्कलकोट तीर्थक्षेत्री सर्व भागातुन चारपदरी सहा पदरी जलद गती रस्त्यातून भाविक अक्कलकोटी दाखल होत असताना अक्कलकोट तीर्थक्षेत्री मात्र प्रमुख मंदिरे गल्ली बोळात अरुंद रस्त्यामधुनच भाविकानां मार्गक्रमण करावे लागते . तीर्थक्षेत्री वारंवार होणारे धार्मिक उत्सव पालखी मिरवणुक आषाढी वारी निमित्य येणारे भाविक गुरुपोर्णिमा उत्सव । गुरु प्रतिपदा उत्सव दत्तजयंती उत्सव । स्वामी पुण्यतिथी उत्सव प्रकट दिन उत्सव गणेशोत्सव मिरवणुक शिव बसव आंबेडकर जयंती मिरवणुक विविध
राष्ट्र पुरुषांचे जयंती उत्सव मिरवणुक यानिमित्याने उपस्थित राहणारे भाविक भक्त दिवसा गणिक येणाऱ्या भाविकांची संख्या प्रचंड वाढत आहे . उत्सव व गर्दी काळात भाविकाना वृद्धानामुले बालकाना सुरक्षित वावर होणे गरजेचे आहे . भाविकांच्या सुरक्षितेते करिता तातडीने रस्ते संदीकरणाचे काम हाती घ्यावेच लागणार आहे . अक्कलकोट शहराचा अद्यापही रस्ते संदीकरण झाले नाही वटवृक्ष स्वामी मंदिर फत्तेसिंह चौक तुप चौक समाधी मठ कारंजा चौक सुभाष गल्ली देशमुख गल्ली पालखी मार्ग तातडीने रस्ते रुंदीकरण करणे गरजेचे आहे .
भर रस्त्यावर उभी राहणारी भाविकांची वाहने अँटो रिक्षा यामुळे समाधी मठ गुरु मंदिर वटवृक्ष मंदिर अन्नछेत्र मंडळ परिसरात जीव मुठीत घेऊन भाविकाना मार्गक्रमण करावे लागत आहे
.मास्टर प्लॅन)-
सन १९७२ मध्ये मास्टर प्लॅन नगरपालिकेने तयार केले असले तरी शासनाने सुचविलेल्या सूचनेवरून वेळोवेळी त्यात दुरुस्ती करणेत आले आहे. सुधारित प्लॅन २०१२ मध्ये जाहीर करण्यात आले आहे. स्वामी समर्थ मंदिराच्या दक्षिण महाद्वार ते मुरलीधर मंदिर, फत्तेसिह चौक, तूप चौक ,कापड बाजार मेन रोड, कारंजा चौक, मार्गे समाधी मठ ते ग्रामदैवत श्री मल्लिकार्जुन मंदिर पर्यंत असे आहे. हा मार्ग १२ मीटर रुंदीचे, ८५० मीटर लांबीचे प्रस्तावित केल होत सध्या २५ ते २८ फुटाचे रस्ता अस्तित्वात असून आणखीन दोन्ही बाजूने मिळून १० फुटाचा भूसंपादन कराव लागणार आहे. यासाठी किमान २०० प्रॉपटी बाधित होणार आहेत. . प्रस्तावित आराखडा तयार करण्यावेळची स्थिती व सध्या अक्कलकोट तीर्थक्षेत्री येणारे प्रचड भाविकांची संख्या पाहता मंदिर परिसरातील रस्ते १०० फुट रुंद असणे अत्यावश्या बनले आहे . यामुळे २०१२चा सुधारीत आराखडा बदलुन २०२६ सुधारीत आराखडा बनवावा लागणार आहे . यामध्ये रस्ते रुंदीकरणात अधिक मालमत्ता बाधीत होण्याची शक्यता नाकारता येत नाही .
दुसरा मार्ग:- मंदिराच्या उत्तर महाद्वार ते गुरू मंदिर, राम गल्ली, मधला मारुती, सुभाष गल्ली, दावल बँड ते कारंजा चौक मार्गे समाधी मठ असा दुसरा पालखी मार्ग असणार आहे. ९ मीटर रुंदीचा, ६०० मीटर लांबीचा असून सध्या २२ फुटाचा रस्ता अस्तित्वात आहे. दोन्ही बाजूने मिळून ८ फुटाचा भूसंपादन करावा लागणार आहे. १२५ ते १५० प्रॉपर्टी बाधित होणार आहे. हा पालखी मार्ग देखील नव्याने सर्वेक्षण करुन पुढील ५० वर्षाचे नियोजन पाहता यामध्ये बदल करावे लागणार अहेत .
आदर्श गुख्याथिकारी रमाकांत डाके
सध्याचे मुख्याथिकारी रमाकांत डाके कुठल्याही दबावाला बळी न पडणारे आदर्श मुख्याधिकारी लाभले असुन तीर्थक्षेत्र अक्कलकोट नगरीची स्वामी सेवा म्हणुन विकासकामे ते मार्गी लावत आहेत .नगराध्यक्ष मिलन कल्याणशेट्टी आ . सचिन कल्याणशेट्टी हे शहराच्या विकास कामात गुख्याधिकारी रमाकांत डाके यांच्या पाठिशी खबीरपणे उभे आहेत यामुळे शहराच्या पुढील ५० वर्ष दृष्ठीने नियोजन करणे गरजेच आहे .
