यशराज बॅनरच्या स्पाय थ्रिलर ‘टायगर’ फ्रेंचायझी म्हणजेच ‘टायगर ३’च्या रिलीजची प्रत्येकजण आतुरतेने वाट पाहत आहे. सलमान खान आणि कतरिना कैफच्या आगामी ‘टायगर ३’ बद्दल चाहते खूप उत्सुक आहेत. आता चाहत्यांचा उत्साह आणखी वाढला आहे कारण आज ‘टायगर ३’ चे फर्स्ट लूक पोस्टर समोर आले आहे, भाईजान सलमान खाननेच सोशल मीडियावर ते शेअर केले आहे.
टायगर ३ चे फर्स्ट लूक पोस्टर
शनिवारी सलमान खानने आपल्या अधिकृत इंस्टाग्राम हँडलवर ‘टायगर ३’ चे फर्स्ट लूक पोस्टर शेअर केले. हे धमाकेदार पोस्टर शेअर करताना भाईजानने कॅप्शनमध्ये लिहिले आहे – “येतोय, टायगर ३ या दिवाळी 202३ ला प्रदर्शित होईल.” तुमच्या जवळच्या चित्रपटगृहांमध्ये यशराज ५० आणि टायगर ३ साजरे करा.
यासोबतच टायगर हा यशराजच्या आधीच्या स्पाय थ्रिलर ‘वॉर’ आणि ‘पठाण’ सारखा पॅन इंडिया चित्रपट असेल अशी माहितीही सलमानने दिली आहे. सलमान खान आणि कतरिना कैफचा ‘टायगर ३’ हिंदी, तमिळ आणि तेलगू भाषांमध्ये रिलीज होणार आहे. या चित्रपटाबद्दल चाहत्यांना खूप उत्सुकता आहे, कारण ‘टायगर जिंदा है’च्या अफाट यशानंतर ६ वर्षांनंतर सलमान आणि कतरिना ही जोडी मोठ्या पडद्यावर पुनरागमन करत आहे.
चाहते टायगर आणि झोयाच्या कथेच्या या तिसऱ्या अध्यायासाठी उत्सुक आहेत. टायगर फ्रँचायझीचे मागील दोन भाग, एक था टायगर (२०१२) आणि टायगर जिंदा है (२०१७) बॉक्स ऑफिसवर ब्लॉकबस्टर ठरले होते.
‘टायगर ३’मध्ये शाहरुखचा कॅमिओ दिसणार.
या वर्षी प्रदर्शित झालेल्या शाहरुख खानच्या मेगा ब्लॉकबस्टर चित्रपट ‘पठाण’मध्ये सलमान खानचा कॅमिओ दिसला होता. पठाणमधील टायगरच्या भूमिकेत सलमानने जोरदार अभिनय केला होता.
आता येत्या काळात शाहरुख खानचा कॅमिओ सलमानच्या ‘टायगर ३’मध्येही दिसणार आहे, ज्यामध्ये पठाण आणि टायगरची जोडी पुन्हा मोठ्या पडद्यावर धमाल करताना दिसणार आहे. टायगर ३ च्या दिग्दर्शनाची कमान प्रसिद्ध दिग्दर्शक मनीष शर्मा यांनी सांभाळली आहे.
