महाराष्ट्र ही महापुरुषांची भूमी आहे. महाराष्ट्राने ज्योतिबा फुले, डॉ. आंबेडकर असे महापुरुष दिलेत. काँग्रेसची साठ वर्षे आणि मोदीचे दहा वर्षे लोकांनी पाहिली आहेत. मागील दहा वर्षात सामाजिक न्यायासाठी जेवढे काम झाले तेवढे स्वातंत्र्यापासून आत्तापर्यंत झाले नाही. काँग्रेसवाल्यांनी अनुसूचित जाती-जमाती आणि इतर मागासवर्गीय वर्गाला हक्कापासून वंचित ठेवण्याचे काम केलेय, असा आरोप पंतप्रधान नरेंद्र मोदी यांनी आज सोलापुरात केला.
सोलापूर लोकसभा मतदारसंघातून भारतीय जनता पार्टीचे उमेदवार राम सातपुते यांच्या प्रचारार्थ पंतप्रधानांची सभा सोलापूरातील होम मैदान येथे पार पडली, त्यावेळी मोदी बोलत होते. यावेळी उपमुख्यमंत्री देवेंद्र फडणवीस, भाजपचे प्रदेशाध्यक्ष चंद्रशेखर बावनकुळे, पालकमंत्री चंद्रकांत पाटील, आमदार श्रीकांत भारतीय, मंत्री गुलाबराव पाटील यांच्यासह इतर नेते मंचावर उपस्थित होते. यावेळी मोदी यांना सोलापूरी चादर भेट देण्यात आली. नरेंद्र मोदी यांनी भाषणाला सुरुवात करताना ‘माझ्या प्रिय सोलापुरकरांना माझा नमस्कार’ असे म्हटले. जय जय राम कृष्ण हरी, सोलापूरचं ग्रामदैवत श्री सिद्धेश्वर यांच्या चरणी नतमस्तक होतो.
एसटी आणि ओबीसींच्या आरक्षणावर भाष्य करताना पंतप्रधान मोदी म्हणाले, या समुदायांच्या आरक्षणाला जितकी ताकद देता येईल तितकी ताकद देणार. या समुदायांचे आरक्षण अल्पसंख्याकांना देण्याचा काँग्रेसचा डाव आहे., असेही मोदी म्हणाले.आम्ही कोणाचाही हक्क हिसकावला नाही. आमच्या समाजिक न्यायाची पद्धत समाजाला जोडण्याची आहे. आता मी ठरवलय गरीब आईच्या मुला, मुलीला डॉक्टर, इंजिनिअर बनवायच. त्यांना मोठ्या पदावर बसवायचं आहे” असं पंतप्रधान मोदी म्हणाले. पण आता तुम्ही मराठी मीडियममध्ये शिकून डॉक्टर, इंजिनिअर बनू शकता. इंग्रजी नाही आलं, तरी चालेलं तुम्ही देश चालवू शकता, हे मोदीच स्वप्न आहे” असं पंतप्रधान नरेंद्र मोदी म्हणाले.
यावेळी उपमुख्यमंत्री देवेंद्र फडणवीस यांनीही आपले मनोगत व्यक्त करत, माजी केंद्रीय मंत्री सुशिलकुमार शिंदे आणि काँग्रेसच्या उमेदवार प्रणिती शिंदे यांच्यावर टीका केली.पुढे फडणवीस यांनी आमदार राम सातपुत या उसतोड कामगाराच्या मुलाला विजयी करण्याचे आवाहन केले.ते, पुढे म्हणाले दलित आदिवासांची मुलांनी देशाचे नेतृत्त्व करावे असे काँग्रेसला कधीच वाटले नाही. याच काँग्रेसने डॉ. बाबासाहेब आंबेडकर यांच्यापासून बाबू जगजीवन राम याच्यापर्यंत सर्व दलित नेत्यांचा अपमान केला.भाजपचा कायमच प्रयत्न राहिला आहे की, एसटी, एससी आणि ओबीसींना जास्तीत जास्त प्रतिनिधित्व मिळावे. 2014 मध्ये जेव्हा तुम्ही आम्हाला सत्ता दिले तेव्हा भाजपने एका दलिताच्या मुलाला राष्ट्रपती केले. 2019 मध्ये जेव्हा पुन्हा सत्ता दिली तेव्हा देशाच्या इतिहासात पहिल्यांदा एका आदीवासीचंया मुलीला राष्ट्रपती केले, असे मोदींनी सांगितले.
पंतप्रधान नरेंद्र मोदी यांच्या या सभेला उमेदवार राम सातपुते, उपमुख्यमंत्री देवेंद्र फडणवीस यांच्यासह आजी-माजी आमदारांसह महायुतीचे पदाधिकारी उपस्थित होते.यावेळी उपमुख्यमंत्री देवेंद्र फडणवीस यांनीही आपले मनोगत व्यक्त करत, माजी केंद्रीय मंत्री सुशिलकुमार शिंदे आणि काँग्रेसच्या उमेदवार प्रणिती शिंदे यांच्यावर टीका केली.पुढे फडणवीस यांनी आमदार राम सातपुते या उसतोड कामगाराच्या मुलाला विजयी करण्याचे आवाहन केले.
